ອຢ ໄທກວດພົບ ໄສ້ກອກ, ລູກຊີ້ນ ແລະ ໝູຢໍ ມີສານ “ອາຊິດ benzoic” ບໍ່ເປັນໄປຕາມມາດຕະຖານ
ອີງຕາມຂ່າວ ຊ່ອງ 3ຂອງໄທລາຍງານວ່າ: ວັນທີ 28 ມີນາ 2022 ຜ່ານມານີ້ ອຢ ສົມທົບກັບຫ້ອງການຕໍາຫຼວດສະກັດກັ້ນ ແລະ ເຝົ້າລະວັງ ຕິດຕາມແຫລ່ງທີ່ມາຂອງໄສ້ກອກ, ລູກຊີ້ນ, ໝູຢໍ ຈາກຮ້ານຈໍາໜ່າຍ-ແຫລ່ງຜະລິດ ພົບເຫັນຜະລິດຕະພັນທີ່ບໍ່ໄດ້ຂໍອະນຸຍາດຜະລິດ, ສະຖານທີ່ຜະລິດບໍ່ແມ່ນມາດຕະຖານ GMP, ປ້າຍຊື່ສະແດງບໍ່ຖືກຕ້ອງຕາມລະບຽບກົດໝາຍ ຜົນຂອງການກວດພົບວ່າມີສານອາຊິດ benzoic ບໍ່ເປັນໄປຕາມມາດຕະຖານ.
ນອກນີ້ ອຢ ຈັງວັດສະໝຸດສາຄອນ ໄດ້ກວດກາຮ້ານຄ້າຂາຍສົ່ງ ບໍລິສັດຕັງຈະເລີນ ຮຸ້ນສ່ວນປຸງແຕ່ງອາຫານທະເລ, ອຳເພີເມືອງ ຈັງຫວັດສະໝຸດສາຄອນ, ພົບວ່າ: ໄດ້ຮັບຜະລິດຕະພັນຈາກຜູ້ຜະລິດຊື່ ຄຸນພິກ ອຳເພີເມືອງ ຈັງຫວັດ ນະຄອນປະຖົມ ໄດ້ກວດພົບ ຜະລິດຕະພັນ ໄສ້ກອກ, ລູກຊີ້ນ, ໝູຢໍ
ສະນັ້ນ ຈຶ່ງສັ່ງໃຫ້ໂຈະການຜະລິດ ແລະດໍາເນີນຄະດີຕາມກົດໝາຍ ພ້ອມທີ່ຈະເກັບຕົວຢ່າງເພື່ອວິເຄາະຕື່ມອີກ
ນອກຈາກນັ້ນ ໄດ້ຖືກກວດກາ ແລະ ລູກຊີ້ນ ຢູ່ຕະຫລາດສົດ ອຳເພີເມືອງ ຈັງຫວັດ ນະຄອນປະຖົມ ພົບເຫັນ ສິນຄ້າກຸ່ມດຽວກັນ 10 ອັນ ຈຶ່ງໄດ້ຫ້າມຈຳໜ່າຍເປັນທີ່ຮຽບຮ້ອຍ.
ດັ່ງນັ້ນ, ຈຶ່ງແຈ້ງເຕືອນເຖິງທ່ານຜູ້ບໍລິໂພກສິນຄ້າປະເພດໄສ້ກອກ, ລູກຊີ້ນ, ໝູຢໍ ທີ່ນຳເຂົ້າຈາກໄທ ໂດຍສະເພາະສິນຄ້າທີ່ມາຈາກຈັງຫວັດສະໝຸດສາຄອນ ແລະ ນະຄອນປະຖົມ ຄວນເລືອອອກກິນສະເພາະສິນຄ້າທີ່ໄດ້ມາດຕະຖານເທົ່ານັ້ນ.
