ບຣູໂນ ບັນລຸຕໍ່ສັນຍາ ແມນຢູ ຂໍພາທີມລ່າຄວາມສຳເລັດ

ແມນເຊສເຕີ ຢູໄນເຕັດ ປະກາດຢ່າງເປັນທາງການວ່າໄດ້ບັນລຸຂໍ້ຕົກລົງໃນການຕໍ່ສັນຍາກັບ ບຣູໂນ ເຟີນານເດສ ອອກໄປ 1 ປີແລ້ວ ພ້ອມມີອອບຊັນຕໍ່ອາຍຸເພີ່ມອີກ 1 ປີນຳອີກ ໂດຍກອງກາງທີມຊາດໂປຣຕຸເກສ ຈະຢູ່ກັບທີມຈົນເຖິງເດືອນມິຖຸນາປີ 2026 ເປັນຢ່າງຫນ້ອຍ ຫລັງຈາກສັນຍາສະບັບເກ່ົາຈະຫມົດລົງໃນໄລຍະລະດູການ ປີ 2025.

ດ້ານ ບຣູໂນ ເຟີນານເດສ ທີ່ເຮັດໄປ 49 ປະຕູ 39 ແອສຊິສ ຈາກການລົງຫລິ້ນພຽງ 117 ນັດໃຫ້ກັບ ແມນຢູ ນັບຕັ້ງແຕ່ຍ້າຍມາຈາກ ສະປອດຕິງ ລິສບອນ ໃນເດືອນມັງກອນ ປີ 2020 ກ່າວວ່າ : ‘‘ ຕັ້ງແຕ່ຂ້ອຍຍ້າຍມາຢູ່ກັບ ແມນເຊສເຕີ ຢູໄນເຕັດ ຂ້ອຍໄດ້ມີຄວາວມສຳພັນອັນແສນພິເສດກັບສະໂມສອນ ແລະ ແຟນບານທີ່ຫນ້າມະຫັດສະຈັນຂອງເຮົາ ຂ້ອຍໃຫຍ່ມາກັບການເບິ່ງທີມນີ້ ແລະ ຝັນວ່າຈັກມື້ຈະໄດ້ມີໂອກາດຫລິ້ນຢູ່ນີ້ ’’.

‘‘ ຄວາມຝັນນັ້ນໄດ້ກາຍເປັນຄວາມຈິງແລ້ວ ແລະ ຂ້ອຍຮູ້ສຶກເປັນກຽດຢ່າງຍິ່ງ ເຖິງຈະຜ່ານໄປ 2 ປີແລ້ວ ກໍຍັງຮູ້ສຶກມະຫັດສະຈັນທີ່ໄດ້ກ້າວອອກໄປສູ່ສະຫນາມ ໂອນ ແທຣຟຟອດ ໄດ້ຍິງແຟນບານ ຮ້ອງເພງເຖິງຂ້ອຍ ແລະ ຍິງປະຕູຕໍ່ຫນ້າອັດສະຈັນສະເຕຣດຟອດ ເອັນ ນັບເປັນກຽດຢ່າງຍິ່ງທີ່ໄດ້ສວມເສື້ອຕົວນີ້ ແລະ ຕໍ່ສູ້ເພື່ອສະໂມສອນອັນພິເສດຂອງເຮົາ ’’.

‘‘ ຂ້ອຍຍັງມີອີກຫລາຍສິ່ງທີ່ຕ້ອງການບັນລຸກັບທີມ ເຫນືອສິ່ງອື່ນໃດ ເຮົາຕ້ອງການມອບຄວາມສຳເລັດໃຫ້ກັບແຟນໆທີ່ພວກເຂົາສົມຄວນໄດ້ຮັບ ເຮົາໄດ້ແບ່ງປັນໄລຍະເວລາທີ່ດີເດ່ັນໃນໄລຍະເວລາຫລາຍປີທີ່ຜ່ານມາ ແຕ່ສິ່ງທີ່ດີທີ່ສຸດຈາກຕົວຂ້ອຍ ແລະ ທີມນີ້ຍັງມາບໍ່ເຖິງ ແລະ ຂ້ອຍຫວັງວ່າຈະເຮັດສິ່ງນັ້ນໃຫ້ເປັນຈິງ ’’.

‘‘ ບຣູໂນ ເຟີນານເດສ ແລະ ແມນຢູ ກຽມກັບມາລຸຍຕໍ່ໃນພຣີເມຍລີກ ອັງກິດ ລະດູການ 2021-22 ໃນໄລຍະ 9 ນັດສຸດທ້າຍ ເຊິ່ງຍັງຕ້ອງຫວັງຕິດອັນດັບ 1 ໃນ 4 ເພື່ອຄວ້າໂຄຕ້າໄປຫລິ້ນ ຢູຟາ ແຊ໊ມປຽນລີກ ລະດູການຫນ້າ ໂດຍເວລານີ້ ແມນຢູ ຢູ່ອັນດັບ 6 ມີ 50 ຄະແນນ ຈາກ 29 ນັດ ຕາມຫລັງ ອາເຊນອລ ອັນດັບ 4 ທີ່ເຕະໄປພຽງ 28 ເກມຢູ່ 4 ແຕ້ມ ’’.