ພາສີ ປະຈຳແຂວງບໍ່ແກ້ວ ປະກາດການຈັດຕັ້ງຍົກຍ້າຍ ແລະ ແຕ່ງຕັ້ງຫຼາຍຕໍາແໜງ
ໃນທ້າຍອາທິດຜ່ານມາ, ທີ່ຫ້ອງປະຊຸມໃຫຍ່ພະແນກການເງິນແຂວງບໍ່ແກ້ວ, ໄດ້ມີພິທີປະກາດການຈັດຕັ້ງຂອງພາສີ ປະຈຳແຂວງບໍ່ແກ້ວໂດຍໄດ້ຍົກຍ້າຍ ແລະ ແຕ່ງຕັ້ງຫຼາຍຕໍາແໜງງານ, ໂດຍການເຂົ້າຮ່ວມຂອງ ທ່ານ ສົມພອນ ແກ້ວມະນີ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງບໍ່ແກ້ວ, ມີບັນດາຄະນະພະແນກການເງິນແຂວງ, ຫົວໜ້າພາສີ ປະຈຳແຂວງບໍ່ແກ້ວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
1. ຍົກຍ້າຍ ແລະ ແຕ່ງຕັ້ງ: ທ່ານ ນາງ ພິໄລເກດ ເອືອຍມະນີຮັກ ຫົວໜ້າໜ່ວຍງານ ດ່ານພາສີສາກົນຂົວມິດຕະພາບ IV ເປັນຫົວໜ້າຂະແໜງສັງລວມ, ກວດກາ ແລະ ກວດສອບຄືນການແຈ້ງພາສີ ຂອງພາສີ ປະຈຳແຂວງບໍ່ແກ້ວ;
2. ຍົກຍ້າຍ-ແຕ່ງຕັ້ງ: ທ່ານ ຄໍາເຫງົ້າ ພັນສະຫວ່າງ ຫົວໜ້າໜ່ວຍງານສັງລວມ ກອງກວດກາພາສີປະຈຳແຂວງບໍ່ແກ້ວ ເປັນຮອງຫົວໜ້າດ່ານພາສີສາກົນສາມຫຼ່ຽມຄຳ.
3. ຍົກຍ້າຍ-ແຕ່ງຕັ້ງພະນັກງານຂັ້ນຮອງຂະແໜງ, ຫົວໜ້າ-ຮອງຫົວໜ້າດ່ານພາສີທ້ອງຖິ່ນ ແລະ ຫົວໜ້າດ່ານພາສີປະເພນີ ຂອງພາສີປະຈຳແຂວງບໍ່ແກ້ວ
4. ຍົກຍ້າຍ-ແຕ່ງຕັ້ງ: ທ່ານ ທິບພະຈັນ ລໍມະນີ ຫົວໜ້າໜ່ວຍງານດ່ານພາສີສາກົນບໍ່ເຕັນແຂວງຫຼວງນ້ຳທາ ເປັນຮອງຫົວໜ້າຂະແໜງສັງລວມ, ກວດກາ ແລະ ກວດສອບຄືນການແຈ້ງພາສີ;
5. ຍົກຍ້າຍ-ແຕ່ງຕັ້ງ: ທ່ານ ໜໍ່ຄຳ ວົງໄຊຍາ ຮອງຫົວໜ້າໜ່ວຍງານດ່ານພາສີສາກົນຂົວມິດຕະພາບ IV ເປັນຮອງຫົວໜ້າຂະແໜງສັງລວມ,ກວດກາ ແລະ ກວດສອບຄືນການແຈ້ງພາສີ.
6. ຍົກຍ້າຍ-ແຕ່ງຕັ້ງ: ທ່ານ ນາງ ນິດ ສີລິປະເສີດ ຮອງຫົວໜ້າໜ່ວຍງານດ່ານພາສີສາກົນຂົວມີດຕະພາບ IV ເປັນຮອງຫົວໜ້າຂະແໜງສັງລວມ, ກວດກາ ແລະ ກວດສອບຄືນການແຈ້ງພາສີ ຂອງພາສີປະຈຳແຂວງບໍ່ແກ້ວ.
7. ຍົກຍ້າຍ ແລະ ແຕ່ງຕັ້ງ: ທ່ານ ກັນຍາສັກ ແກ້ວມະນີ ຫົວໜ້າດ່ານພາສີທ້ອງຖິ່ນຕົ້ນເຜິ້ງ ເປັນຫົວໜ້າດ່ານພາສີທ້ອງຖິ່ນຫ້ວຍຊາຍ;
8. ຍົກຍ້າຍ ແລະ ແຕ່ງຕັ້ງ: ທ່ານ ທິບພະລັດ ຈັນສະຫວັດ ຮອງຫົວໜ້າໜ່ວຍງານດ່ານພາສີສາກົນບໍ່ເຕັນແຂວງຫຼວງນໍ້ຳທາ ເປັນຮອງຫົວໜ້າດ່ານພາສີທ້ອງຖິ່ນຫ້ວຍຊາຍ;
9. ຍົກຍ້າຍ ແລະ ແຕ່ງຕັ້ງ: ທ່ານ ບຸນຊາຍ ພັນວັດທະນາກຸນ ພະນັກງານ ດ່ານພາສີສາກົນຂົວມິດຕະພາບ IV ເປັນຮອງຫົວໜ້າດ່ານພາສີທ້ອງຖິ່ນຫ້ວຍຊາຍ.
ຍົກຍ້າຍ ແລະ ແຕ່ງຕັ້ງ: ທ່ານ ຄຳສາຍ ພູລິຈັນ ຮອງຫົວໜ້າດ່ານພາສີທ້ອງຖິ່ນຫ້ວຍຊາຍ ເປັນຫົວໜ້າດ່ານພາສີທ້ອງຖິ່ນຕົ້ນເຜິ້ງ;
10. ຍົກຍ້າຍ ແລະ ແຕ່ງຕັ້ງ: ທ່ານ ສຸດສະດາ ຫຼວງສີໂຍທາ ຮອງຫົວໜ້າດ່ານພາສີປະເພນີບ້ານດ່ານ ເປັນຮອງຫົວໜ້າດ່ານພາສີທ້ອງຖິ່ນຕົ້ນເຜີ້ງ.
11. ຍົກຍ້າຍ ແລະ ແຕ່ງຕັ້ງ: ທ່ານ ສົມຫວັງ ຊາມົນຕີ ຮອງຫົວໜ້າດ່ານພາສີທ້ອງຖິ່ນຕົ້ນເຜິ້ງ ເປັນຫົວໜ້າດ່ານພາສີປະເພນີບ້ານດ່ານ ແຂວງບໍ່ແກ້ວ.
ໂອກາດນີ້, ທ່ານ ສົມພອນ ແກ້ວມະນີ ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງບໍ່ແກ້ວ, ໄດ້ມີຄຳເຫັນໂອ້ລົມເນັ້ນໜັກໃຫ້ຜູ້ທີ່ໄດ້ຮັບການຍົກຍ້າຍ ແລະ ແຕ່ງຕັ້ງຈົ່ງສືບຕໍ່ຊອກຮູ້, ຮ່ຳຮຽນເພີ່ມທັດສະນະ, ຄຸນ ສົມບັດສິນທຳປະຕິວັດຍົກສູງພາລະບົດບາດການຊີ້ນຳໆພາໃນການເກັບລາຍຮັບໃຫ້ບັນລຸຕາມແຜນການທີ່ໄດ້ກຳນົດໄວ້, ສືບຕໍ່ສຶກສາອົບຮົມການເມືອງ-ແນວຄິດໃຫ້ແກ່ພະນັກງານທີ່ຢູ່ພາຍໃນຄວາມຮັບຜິດຊອບໃຫ້ມີສະຕິຕໍ່ການ ຈັດຕັ້ງ, ຕ້ານແນວຄິດກຸ່ມກ້ອນ, ຈຸມເຈື້ອເຊື້ອສາຍ, ປັບປຸງແບບແຜນວິທີການເຮັດວຽກໃຫ້ເຂົ້າສູ່ທັນສະໄໝ, ປ໋ອງໃສ, ຂາວສະອາດ, ເຂັ້ມງວດເດັດຂາດ, ມີຄວາມສາມັກຄີ, ເປັນເອກະພາບໃນການເຄື່ອນໄຫວເຮັດວຽກຕາມການມອບໝາຍ.
