ນາຍົກລັດຖະມົນຕີເນັ້ນ ປກສ ຮັກສາ 3 ທາດແທ້ 7 ມູນເຊື້ອ
ວັນທີ 31 ມີນາ 2022 , ນຳໂດຍ ພົອ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ ພ້ອມຄະນະໄດ້ເຂົ້າອວຍພອນໃນໂອ ກາດວັນສ້າງຕັ້ງກໍາລັງປ້ອງກັນຄວາມສະຫງົບປະຊາຊົນຄົບຮອບ 61 ປີ (5 ເມສາ 1961-5ເມສາ 2022)
ທ່ານ ພັນຄຳ ວິພາວັນ ນາຍົກລັກຖະມົນຕີແຫ່ງສປປ ລາວ ເນັ້ນຕໍ່ການນຳຂັ້ນສູງກະຊວງປ້ອງກັນຄວາມສະຫງົບໃຫ້ສືບຕໍ່ສຶກສາອົບຮົມການເມືອງ-ແນວຄິດເປັນກົກ, ຮັກສາ 3 ທາດແທ້ 7 ມູນເຊື້ອຂອງກໍາລັງປ້ອງກັນຄວາມສະຫງົບປະຊາຊົນ, ເພີ່ມທະວີຄວາມສາມັກຄີພາຍໃນຢ່າງໜັກແໜ້ນ, ເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະ, ຮັກສາຄວາມສະຫງົບປອດໄພທົ່ວສັງຄົມ, ສຸມໃສ່ລົງກໍ່ສ້າງຮາກຖານການເມືອງຢ່າງແຂງແຮງເພື່ອປຸກລະດົມປະຊາຊົນຢູ່ຮາກຖານປະກອບສ່ວນປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ຈັດຕັ້ງປະຕິບັດສອງວາລະແຫ່ງຊາດ ໂດຍສະເພາະວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃຫ້ສຳເລັດຕາມກຳນົດເວລາ, ປັບປຸງ-ກໍ່ສ້າງກຳລັງໃຫ້ເຕີບໃຫຍ່ເຂັ້ມ ແຂງທັງປະລິມານ ແລະ ຄຸນນະພາບ ໂດຍສ້າງພະນັກງານສືບທອດປ່ຽນແທນໃນໄລຍະສັ້ນ ແລະ ຍາວນານ, ເອົາໃຈໃສ່ສ້າງພະລາກັບທີ່ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.
ກຳລັງປ້ອງກັນຄວາມສະຫງົບປະຊາຊົນ ແມ່ນກຳລັງປະກອບອາວຸດປະຕິວັດອັນແຫຼມຄົມຂອງພັກ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ສ້າງຕັ້ງ, ນຳພາເດັດຂາດ, ໂດຍກົງ ແລະ ຮອບດ້ານ; ເປັນກຳ ລັງມາຈາກປະຊາຊົນ, ໂດຍປະຊາຊົນ ແລະ ເພື່ອຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ; ກຳລັງປ້ອງກັນຄວາມສະຫງົບປະຊາຊົນໄດ້ກຳເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ມີມູນເຊື້ອການຕໍ່ສູ້ອັນອົງອາດກ້າຫານ, ນໍ້າໃຈເສຍສະຫຼະເດັດດ່ຽວໜຽວແໜ້ນບໍ່ຍອມຈໍານົນ, ສັດຊື່ບໍລິສຸດ ແລະ ສາມັກ ຄີ ເປັນປຶກແຜ່ນແໜ້ນໜາ.
