ອິຕາລີ ຍັງມີຫວັງເຂົ້າຮອບບານໂລກ, ຖ້າ FIFA ແລະ AFC ຕັດສິດ ອີຣ່ານ ຄະດີຫ້າມໃຫ້ຜູ້ຍິງເຂົ້າຊົມການແຂ່ງຂັນ
‘‘ Sportmediaset’’ ສື່ກິລາຂອງອິຕາລີ ລະບຸວ່າ ສະຖານະການຂອງອີຣ່ານ ອາດມີຜົນໄປເຖິງ ອິຕາລີ ຫລັງຈາກຄົນໃນວົງການບານເຕະອີຣ່ານພວມກັງວົນວ່າອາດຈະຖືກ ສະຫະພັນບານເຕະນາໆ (FIFA) ແລະ ສະຫະພັນບານເຕະເອເຊຍ (AFC) ລົງໂທດຈາກກໍລະນີຫ້າມຜູ້ຍິງເຂົ້າຊົມການແຂ່ງຂັນບານເຕະ ອີຣ່ານ ພົບກັບ ເລບານອນ ເຊິ່ງບົດລົງໂທດທີ່ຮຸນແຮງທີ່ສຸດອາດຈະເປັນການຕັດສິນ ອີຣ່ານ ແລະ ມັນກໍຈະເຮັດໃຫ້ໂຄຕາຂອງອີຣ່ານ ຕົກເປັນຂອງ ອີຕາລີ ໂດຍອັດຕະໂນມັດ.
ທີມຊາດອິຕາລີ ອາດຈະໄດ້ສິດລົງຫລິ້ນບານເຕະໂລກ 2022 ຮອບສຸດທ້າຍ ຖ້າຫາກ ອີຣ່ານ ຖືກຕັດສິດ ຫລັງຈາກທີ່ພວມມີປະເດັນກັນວ່າ ອີຣ່ານ ເຮັດເລື່ອງບໍ່ເຫມາະສົມກັບແຟນບານທີ່ເປັນຜູ້ຍິງ ຕາມການລາຍງານຂອງ ສະປອດມີເດຍເຊັດ ສື່ຊື່ດັງຂອງອິຕາລີ.
ອີຣ່ານ ໄດ້ເຂົ້າຮອບບານເຕະໂລກ 2022 ຮອບສຸດທ້າຍຕັ້ງແຕ່ດົນແລ້ວ ຕ່າງກັບ ອິຕາລີ ທີ່ຮອບແບບສຸດຊ໊ອກໃນຮອບຄັດເລືອກ ຮອບເພລອອຟ ເຊິ່ງໃນນັດສຸດທ້າຍຂອງການແຂ່ງຂັນຮອບຄັດເລືອກເຂດເອເຊຍ ຮອບ 3 ກຸ່ມ A ນັ້ນ ອີຣ່ານ ເປີດບ້ານເອົາຊະນະ ເລບານອລ ໄປໄດ້ 2-0 ພ້ອມກັບເຮັດໃຫ້ພວກເຂົາເປັນແຊ໊ມກຸ່ມ.
ແນວໃດກໍຕາມ ມີລາຍງານວ່າໃນດັ່ງກ່າວນັ້ນ ອີຣ່ານ ໄດ້ຫ້າມແຟນບານທີ່ເປັນຜູ້ຍິງຊົມການແຂ່ງຂັນໃນສະຫນາມເປັນຈຳນວນ 2,000 ຄົນ ທັງທີ່ພວກເຂົາຊື້ປີ້ເອົາໄວ້ແລ້ວ ເຊິ່ງເຊື່ອກັນວ່າເປັນເຫດຜົນດ້ານສາສະຫນາ ທັງທີ່ຈິງແລ້ວ ເມື່ອປີ 2019 ສະຫະພັນບານເຕະນາໆຊາດ ເຄີຍອອກມາເຕືອນ ອີຣ່ານ ວ່າຕ້ອງອະນຸຍາດໃຫ້ແຟນບານທີ່ເປັນຜູ້ຍິງເຂົ້າໃນອັດສະຈັນໄດ້ ໂດຍມີລາຍງານວ່າ ອີຣ່ານ ມີການສີດສະເປພິກໄທໃສ່ເຫລ່ົາແຟນບານທີ່ເປັນຜູ້ຍິງເພື່ອຫ້າມພວກເຂົາເຂົ້າສະຫນາມນຳອີກ.
ດ່ັງນັ້ນ ຖ້າຫາກ ຟີຟາ ແລະ ເອເອັຟຊີ ລົງໂທດຕັດສິນອີຣ່ານຈາກການແຂ່ງຂັນບານໂລກ 2022 ແທ້ ກໍຈະເຮັດໃຫ້ໂຄຕ້າຂອງພວກເຂົາຕົກເປັນຂອງທີມທີ່ມີສຳປະສິດຂອງ ຟີຟາ ສູງທີ່ສຸດ ແຕ່ບໍ່ໄດ້ສິດຫລິ້ນບານໂລກຮອບສຸດທ້າຍ ນັ້ນກໍຄື ອິຕາລີ ແນວໃດກໍຕາມ ຜ່ານມາໃນປະຫວັດສາດການແຂ່ງຂັນບານໂລກ ມັນກໍບໍ່ເຄີຍມີການຕັດສິນທີມທີ່ຜ່ານຮອບຄັດເລືອກມາກ່ອນຄືກັນ.
