ປະກັນສັງຄົມແຫ່ງຊາດຕັ້ງເປົ້າເກັບລາຍຮັບ ໃຫ້ໄດ້ 427,97 ຕື້ກີບ ໃນງວດທີ 2 ຂອງປີ 2022

ທ່ານ ນາງ ແກ້ວ ຈັນທະວິໄຊ ຫົວໜ້າອົງການປະກັນສັງຄົມແຫ່ງຊາດ ໄດ້ລາຍງານ ສະໄໝສາມັນຄັ້ງທີ VI ຄະນະສະພາບໍລິຫານອົງການປະກັນສັງຄົມແຫ່ງຊາດ ວັນທີ 28 ມີນາ 2022 ນີ້ວ່າ: ທ່ານ ນາງ ແກ້ວ ຈັນທະວິໄຊ ຫົວໜ້າອົງການປະກັນສັງຄົມແຫ່ງຊາດ ໄດ້ລາຍງານວ່າ: ປັດຈຸບັນ ມີຜູ້ປະກັນຕົນທີ່ຂຶ້ນທະ ບຽນ ແລະ ຈ່າຍເງິນສົມທົບ 327.392 ຄົນ, ຍິງ 150.744 ຄົນ (ບໍ່ລວມພາກ ສ່ວນ ປກຊ, ປກສ) ພາກລັດ 178.069 ຄົນ, ພາກວິສາຫະກິດ 133.255 ຄົນ, ແລະ ຜູ້ສະໝັກໃຈ 16.068 ຄົນ.

ສຳລັບງວດທຳອິດຂອງປີ 2022 ຂຶ້ນທະບຽນໃໝ່ໄດ້ 9.175 ຄົນ, ພະນັກງານ-ລັດຖະກອນໄດ້ 452 ຄົນ, ຜູ້ອອກແຮງງານໃໝ່ໄດ້ 7.740 ຄົນ, ຜູ້ສະໝັກໃຈໃໝ່ໄດ້ 983 ຄົນ ແລະ ຫົວໜ່ວຍວິສາຫະ 103 ຫົວໜ່ວຍ, ສາມາດເກັບລາຍຮັບໄດ້ທັງໝົດ 403.88 ຕື້ກີບ; ປະຕິບັດລາຍຈ່າຍທັງໝົດ 358,84 ຕື້ກີບ, ຜົນໄດ້ຮັບໃນງວດ I ມີຍອດຜິດດ່ຽງລາຍຮັບ-ລາຍຈ່າຍ ທັງໝົດ 45,04 ຕື້ກີບ.

ງວດທີ 2 ຂອງປີ, ອົງການປະກັນສັງຄົມແຫ່ງຊາດ ຍັງຈະສືບຕໍ່ວຽກງານການຂຶ້ນທະບຽນໃຫ້ຫົວໜ່ວຍວິສາຫະກິດເຂົ້າໃໝ່ໃຫ້ໄດ້ 88 ຫົວໜ່ວຍ, ຂຶ້ນທະບຽນຜູ້ປະກັນຕົນພາກລັດໃຫ້ໄດ້ 375 ຄົນ, ຂຶ້ນທະບຽນຜູ້ອອກແຮງງານໃໝ່ຈາກວິສາຫະກິດໃໝ່ ແລະ ເກົ່າໃຫ້ໄດ້ 6.750 ຄົນ ແລະ ຜູ້ປະກັນຕົນລະບົບສະໝັກໃຈໃໝ່ໃຫ້ໄດ້ 750 ຄົນ, ຈະໃຫ້ມີຜູ້ເກີດສິດປິ່ນປົວສຸຂະພາບ ຕາມລະບົບປະກັນສັງຄົມ 795.246 ຄົນ, ໃນນີ້ ພາກລັດ 492.883 ຄົນ, ພາກວິສາຫະກິດ ແລະ ສະໝັກໃຈ 302.363 ຄົນ, ພ້ອມທັງ ຈະພິຈາລະນາ ແລະ ຈ່າຍເງິນອຸດໜູນປະກັນສັງຄົມປະເພດຕ່າງໆທັງໝົດ 88.321 ເທື່ອຄົນ ມີ 195.210 ເທື່ອຈ່າຍ, ໃນນີ້ພາກລັດ 69.319 ເທື່ອຄົນ ມີ 163.639 ເທື່ອຈ່າຍ, ພາກວິສາຫະກິດ ແລະ ສະໝັກໃຈ 19.002 ເທື່ອຄົນ ມີ 31.571 ເທື່ອຈ່າຍ, ຈະເກັບລາຍຮັບໃຫ້ໄດ້ 427,97 ຕື້ກີບ, ໃນນີ້ ພາກລັດ 322,96 ຕື້ກີບ, ພາກວິສາຫະກິດ ແລະ ສະໝັກໃຈ 105,01 ຕື້ກີບ, ການປະຕິບັດລາຍຈ່າຍອຸດໜູນປະ ກັນສັງຄົມ ແລະ ບໍລິຫານຕ່າງໆບໍ່ໃຫ້ເກີນ 362,68 ຕື້ກີບ ຊຶ່ງພາກລັດມີລາຍຈ່າຍປະມານ 293,62 ຕື້ກີບ, ພາກວິສາຫະກິດ ແລະ ສະໝັກໃຈ 69.05 ຕື້ກີບ, ເຖິງແມ່ນຈະເປັນຄາດໝາຍທີ່ສູງ ແຕ່ອົງການປະກັນສັງຄົມກໍຈະສືບຕໍ່ສຸມໃສ່ຈັດຕັ້ງປະຕິບັດໃຫ້ບັນລຸຕາມລະດັບຄາດໝາຍ.