ເກີດແຜ່ນດິນໄຫວໃນບໍລິເວນ ແຂວງອຸດົມໄຊ ແລະ ບໍ່ແກ້ວ
ກົມອຸຕຸນິຍົມ ແລະ ອຸທົກກະສາດ ໄດ້ລາຍງານສະພາບການເກີດ ແຜ່ນດິນໄຫວ ຄັ້ງວັນທີ 30 ມີນາ 2022 ຈາກສູນຂ່າວສານແຜ່ນດິນໄຫວ ແຫ່ງຊາດ ໃນຂອບເຂດທົ່ວປະເທດ ເຊິ່ງໄດ້ພົບສັນຍານການເກີດແຜ່ນດິນ ໄຫວພາຍໃນປະເທດລາວ ຈໍານວນ 02 ຄັ້ງ ໃນບໍລິເວນ ແຂວງອຸດົມໄຊ ແລະ ແຂວງບໍ່ແກ້ວ, ລາຍລະອຽດຂອງການເກີດແຜ່ນດິນໄຫວມີດັ່ງນີ້:
-ໃນເວລາ 22:33:26 ຂອງໂມງທ້ອງຖິ່ນ ໄດ້ພົບສັນຍານແຜ່ນດິນໄຫວ ຈຸດສູນກາງເສັ້ນຂະໜານທີ 20.249 ອົງສາເໜືອ ແລະ ເສັ້ນແວງທີ 102.124 ອົງສາຕາເວັນອອກ, ຄວາມແຮງສັ່ນສະເທືອນວັດແທກໄດ້ 2.0 ຣີກເຕີ ເຊິ່ງມີຄວາມເລິກຈາກເທິງໜ້າດິນປະມານ 3 ກິໂລແມັດ ຈຸດສູນກາງເກີດແຜ່ນດິນໄຫວຢູ່ທີ່ ບ້ານຫ້ວຍສະພີ ເມືອງງາ ແຂວງອຸດົມໄຊ, ເຊິ່ງຈຸດແຜ່ນດິນໄຫວແມ່ນຫ່າງຈາກເທສະບານເມືອງງາ ປະມານ 15 ກິໂລແມັດ.
-ໃນເວລາ 23:18:57 ຂອງໂມງທ້ອງຖິ່ນ ໄດ້ພົບສັນຍານແຜ່ນດິນໄຫວ ຈຸດສູນກາງເສັ້ນຂະໜານທີ 20.336 ອົງສາເໜືອ ແລະ ເສັ້ນແວງທີ 100.201 ອົງສາຕາເວັນອອກ, ຄວາມແຮງສັ່ນສະເທືອນວັດແທກໄດ້ 1.2 ຣີກເຕີ ເຊິ່ງມີຄວາມເລິກຈາກເທິງໜ້າດິນປະມານ 3 ກິໂລແມັດ ຈຸດສູນກາງເກີດແຜ່ນດິນໄຫວຢູ່ທີ່ ບ້ານດອຍແດງ ເມືອງຕົ້ນເຜິ້ງ ແຂວງບໍ່ແກ້ວ, ເຊິ່ງຈຸດແຜ່ນດິນໄຫວແມ່ນຫ່າງຈາກເທສະບານ ເມືອງຕົ້ນເຜິ້ງ ປະມານ 12 ກິໂລແມັດ.
ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.
