ມູຣິນໂຢ ຄືຜູ້ຈັດການທີມຄົນທຳອິດໃນປະຫວັດສາດ ທີ່ໃຊ້ເງິນຊື້ນັກເຕະໄປແລ້ວຫຼາຍກວ່າ 1 ພັນລ້ານປອນ

ໂຮເຊ ມູຣິນໂຢ ຜູ້ຈັດການ ທີມ ແມນເຊສເຕີ ຢູໄນເຕັດ ການ ເປັນຜູ້ຈັດການທີມຄົນທຳອິດໃນ ປະຫວັດສາດທີ່ໃຊ້ເງິນຊື້ນັກເຕະ ໄປແລ້ວຫຼາຍກວ່າ 1 ພັນລ້ານ ປອນ ຕະຫຼອດອາຊີບການເປັນ ຜູ້ຈັດການທີມຕັ້ງແຕ່ປີ 2000.
ໃນລະດູການນີ້ ມູຣິນໂຢ ດຶງ ນັກເຕະມາເສີມທັບ ແມນເຊສເຕີ ຢູໄນເຕັດ ແລ້ວ 3 ຄົນ ໄດ້ແກ່ ໂຣ ເມລູ ລູກາກູ 75 ລ້ານປອນ, ເນ ມານຍ່າ ມາຕິດ 40 ລ້ານປອນ ແລະ ວິກເຕີ ລິນເດີເລີຟ 31 ລ້ານ ປອນ. ຂະນະທີ່ໜ້າຮ້ອນຜ່ານມາ ໃຊ້ເງິນເສີມທັບໄປມະຫາສານ ດ້ວຍການທຸ່ມເງິນເປັນສະຖິຕິ ໂລກ 89 ລ້ານປອນ ດຶງ ປອລ ປັອກບາ ມາຈາກ ຢູເວນຕຸສ ແລະ ຄວ້າ ເອຣິກ ໄບຍີ ມາຈາກ ບີຍາ ເຣອັລ ດ້ວຍຈຳນວນເງິນ 30 ລ້ານປອນ ເປັນຕົ້ນ.
ສ່ວນສະໄໝຄຸມທີມ ເຊລຊີ ນັ້ນ ມູຣິນໂຢ ໃຊ້ເງິນຊື້ນັກເຕະດັງ ຢ່າງເຊັ່ນ ດີເອໂກ ຄອສຕ້າ 30 ລ້ານປອນ, ວິລລຽນ 30 ລ້ານ ປອນ, ເຊສ ຟາເບຣກາສ 30 ລ້ານປອນ ແລະ ອັງເດຣ ເຊຟ ເຊນໂກ 50 ລ້ານປອນ ເປັນຕົ້ນ. ສົ່ງຜົນໃຫ້ ມູຣິນໂຢ ໃຊ້ເງິນຊື້ນັກ ເຕະໄປແລ້ວກວ່າ 1.1 ພັນລ້ານ ປອນ.