ອັນຕະລາຍ! ແຟນບານເຊເນກັລ ລະດົມຍິງແສງເລເຊີໃສ່ຊາລ່າ ຈົນພາດລູກໂທດ
ໂມຮາເໝັດ ຊາລ່າ ກອງໜ້າທີມຊາດອີຢິບ ຖືກແຟນບານ ເຊເນກັລ ຍິງແສງເລເຊີ ໃນຈັງຫວະກ່ອນຍິງຈຸດໂທດ.
ການແຂ່ງຂັນເຕະບານໂລກ 2022 ຮອບຄັດເລືອກ ໂຊນອາຟຣິກາ ນັດ 2 ເຊເນກັລ ເປີດບ້ານເອົາຊະນະ ອີຢິບ 1-0 ປະຕູ ສົ່ງຜົນໃຫ້ 1-1 ຕ້ອງຕໍ່ເວລາພິເສດອີກ 30 ນາທີ ແຕ່ຍັງບໍ່ສາມາດຊອກຫາຜູ້ຊະນະໄດ້. ຕ້ອງໄດ້ຕັດສິນດ້ວຍການຍິງຈຸດໂທດ ຫົວຫອກ ລິເວີພູລ ຮັບໜ້າທີ່ເປັນຜູ້ສັງຫານຄົນທຳອິດຂອງອີຢິບ ເຊິ່ງໄດ້ຖືກແຟນທ້ອງຖິ່ນຈໍານວນຫຼາຍໃຊ້ເລເຊີສີຂຽວນວນຫຼາຍລະດົມຍິງໃສ່ບໍລິເວນຕາ ແລະ ຮ່າງກາຍ ຈົນເຮັດໃຫ້ຍິງຂ້າມຄານໄປໄກ
ໃນຂະນະທີ່ ຊາດິໂອ ມາເນ່ ກອງໜ້າຂອງ ເຊເນກັລ ຍິງຈຸດໂທດຄົນສຸດທ້າຍໃຫ້ ເຊເນກັລ ເອົາຊະນະຈຸດໂທດ 3-1 ຄວ້າປີ້ເຂົ້າຮອບສຸດທ້າຍທີ່ກາຕ່າໄດ້ສໍາເລັດ ແລະ ມັນໄດ້ການຢ້ຳແຄ້ນອີຢິບອີກເທື່ອໜຶ່ງ ຫຼັງຈາກທີ່ເອົາຊະນະອີຢິບໃນການຍິງລູກໂທດເຊັ່ນດຽວກັນໃນການແຂ່ງຂັນບານເຕະ ອາຟຣິກາ ນາຊັ່ນຄັຟ ໃນເດືອນກຸມພາຜ່ານມາ.
I mean, just look at this. Salah sails his penalty over… and surely anybody would, given the lasers.
Mane scores, Senegal wins the shootout, Egypt out of the World Cup pic.twitter.com/tgHmCmW8uu
— Henry Bushnell (@HenryBushnell) March 29, 2022
