ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຝຶກອົບຮົມວຽກງານກໍ່ສ້າງພັກ ແລະ ປ້ອງກັນພັກ-ພະນັກງານ

ສະຫາຍ ນາງ ສວນສະຫວັນ ວິຍະເກດ ໄດ້ກ່າວວ່າ: ການດໍາເນີນການຝຶກອົບຮົມວຽກງານກໍ່ສ້າງພັກ ແລະ ວຽກງານປ້ອງກັນພັກ-ພະນັກງານ ພາຍໃນອົງຄະນະພັກ ກະຊວງ ຖວທ ຄັ້ງນີ້ ເພື່ອຍົກລະດັບຄວາມສາມາດນໍາພາຂອງພັກ, ຄວາມເປັນແບບຢ່າງນໍາໜ້າຂອງຄະນະບໍລິຫານງານພັກ, ຄະນະພັກຮາກຖານ, ບັນດາໜ່ວຍພັກ ແລະ ສະມາຊິກພັກທັງໝົດ ໄດ້ຮັບຮູ້ ແລະ ເຂົ້າໃຈຕໍ່ກັບແນວທາງນະໂຍບາຍຂອງພັກ ເປັນຕົ້ນ ມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມອົງຄະນະພັກ ຄັ້ງທີ V ຂອງກະຊວງ ຖວທ, ສ້າງໃຫ້ມີການຫັນປ່ຽນຕົວຈິງທາງດ້ານແນວຄິດ, ທັດສະນະ, ແບບແຜນ ການນໍາພາ ແລະ ວິທີເຮັດວຽກ, ຄວາມຮັບຜິດຊອບການເມືອງຂອງຄະນະພັກແຕ່ລະຂັ້ນ ແລະ ສະມາຊິກພັກທຸກສະຫາຍ.

ການຝຶກອົບຮົມວຽກງານກໍ່ສ້າງພັກ ແລະ ວຽກງານປ້ອງກັນພັກ-ພະນັກງານ ພາຍໃນອົງຄະນະພັກກະຊວງ ຖວທ ໃນຄັ້ງນີ້ ຈະໄດ້ສຸມໃສ່ວຽກງານຕົ້ນຕໍຈໍານວນໜຶ່ງ ເປັນຕົ້ນ ວຽກງານກໍ່ສ້າງພັກ ແລະ ປ້ອງກັນພັກ-ພະນັກງານ, ການຍົກຍ້າຍຮ່ວມຊີວິດພັກ, ການອອກບັດ-ມອບບັດຂອງສະມາຊິກພັກ, ການຕີລາຄາຄຸນນະພາບຈັດແບ່ງປະເພດສະມາຊິກພັກ, ໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ແລະ ວຽກງານອື່ນໆທີ່ກ່ຽວຂ້ອງຈໍານວນໜຶ່ງ.

ໂອກາດນີ້, ສະຫາຍ ນາງ ສວນສະຫວັນ ວິຍະເກດ ໄດ້ຮຽກຮ້ອງໃຫ້ ບັນດາສະຫາຍ ສະມາຊິກພັກ ຈົ່ງຍົກສູງຄວາມຮັບຜິດຊອບການເມືອງ, ສຸມສະຕິປັນຍາເຂົ້າໃນການປະກອບຄວາມຄິດເຫັນຕໍ່ກັບບັນດາເນື້ອໃນ ດ້ວຍຄວາມຮັບຜິດຊອບສູງເຂົ້າໃນການຝຶກອົບຮົມຄັ້ງນີ້ ໃຫ້ບັນລຸຕາມຈຸດປະສົງຄາດໝາຍທີ່ວາງໄວ້ ແນໃສ່ການກໍ່ສ້າງພັກໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ.