ນັກມວຍຊາວອາເຈນຕິນາ ກັດບ່ານັກຊົກຄູ່ແຂ່ງ ທັງທີ່ໄດ້ນັບນ໋ອກ 2 ຄັ້ງແລ້ວ

ນັກມວຍຊາວອາເຈນຕິນາ ກັດບ່າຂອງຄູ່ຊົກໃນຂະນະທີ່ກອດ ທັງທີ່ໄດ້ນັບນ໋ອກເຖິງ 2 ຄັ້ງແລ້ວ ກ່ອນຖືກຕັດຄະແນນຈົນເສຍເປັນເອກະສັນ

ພາບເຫດການທີ່ ໄມ້ ໄທສັນ ກັດຫູຂອງ ອີວານເດີ ໂຮລີຟີວ ຈົນກາຍເປັນຕຳນານ. ໂດຍຊ່ວງເວລານັ້ນຜ່ານໄປ 25 ປີແລ້ວ, ແຕ່ເຖິງຢ່າງໃດກໍຕາມ ນິໂຄຣັສ ເດີມາຣິໂອ ນັກມວຍຊາວອາເຈນຕິນາ ​ໄດ້​ນຳ​ການກັດມາ​ສູ່​ສັງວຽນ​ອີກ​ເທື່ອ​ໜຶ່ງ​ ໃນ​ການ​ແຂ່ງ​ຂັນ​ມວຍ​ທີ່​ເມືອງ ລັດ ເວກັສ, ສະ​ຫະ​ລັດອາເມຣິກາ ໃນວັນເສົາທີ 26 ມີນາ ທີ່ຜ່ານມາ

ເລື່ອງນີ້ເກີດຂຶ້ນໃນການຕໍ່ສູ້ລະຫວ່າງ ນິໂຄຣັສ ເດີມາຣິໂອ ນັກຊົກຊາວອາເຈນຕິນາ ພົບກັບ ນັກຕໍ່ສູ້ ໂຈຊົວ ວາກາສ ນັກຊົກຊາວເປີໂຕຣິໂກ. ໃນລຸ້ນ ເວເຕີເວດ ກະຕິກາ 8 ຍົກ ເຊິ່ງເປັນການຊົກທີ່ບໍ່ມີສາຍແອວແຊ້ມໃດໆວາງເດີມພັນ, ແຕ່ເກມດັ່ງກ່າວມາດຸເດືອດໃນຍົກທີ 4 ເມື່ອ ເດີມາຣິໂອ ສົ່ງ ວາກາສ ລົງໄປນອນນັບນ໋ອກໄດ້ເຖີງ 2 ຄັ້ງ ແລະ ຄະແນນຂອງເຂົາກໍນຳຢູ່ 10-8 ຢ່າງເປັນເອກະສັນ

ແຕ່ໃນຍົກທີ 5 ບໍ່ຮູ້ວ່າ ເດີມາຣິໂອ ກໍາລັງຄິດຫຍັງຢູ່, ເມື່ອເຂົາໄດ້ໃຊ້ຈັງຫວະກອດໄປກັດບ່າຂອງ ວາກາສ ຢ່າງໂຈ່ງແຈ້ງ ກ່ອນທີ່ຜູ້ຕັດສິນຈະຈັບແຍກ ແລະ ຫັກຄະແນນເຂົາ 1 ຄະແນນທັນທີ ຈົນເກມສຸດທ້າຍເກມຖືກພິກເມື່ອຄົບ 8 ຍົກ ຜູ້ຕັດສິນໃຫ້ ວາກາສ ເປັນຝ່າຍຊະນະຄະແນນເປັນເອກະສັນ 3 ສຽງ (76-74, 76-74 ແລະ 76-73), ທັງທີ່ ວາກາສ ຖືກຈັບນ໋ອກເຖີງສອງຄັ້ງໃນການຕໍ່ສູ້ນີ້.

ເບີ່ງຄລິບ>>

https://twitter.com/ESPNRingside/status/1507883480385949697