ຖ້າຮ່າງກາຍມີ 6 ອາການຕໍ່ໄປນີ້ຕ້ອງດື່ມນ້ຳຫລາຍຂຶ້ນ

ເວັບໄຊ healthyliving house.com ເປີດເຜີຍຂໍ້ມູນວ່າ : ມີຫລາຍຄວາມຄິດເຫັນກ່ຽວກັບປະລິມານນຳ້ທີ່ຮ່າງກາຍຄົນເຮົາຕ້ອງການໃນແຕ່ລະມື້ ໂດຍນັກວິທະຍາສາດກ່າວວ່າ : ຄວນຈະດື່ມນຳ້ມື້ລະ 8 – 9 ຈອກ, ແຕ່ຖ້າໃນ 1 ມື້ ຮ່າງກາຍໄດ້ຮັບນຳ້ບໍ່ພຽງພໍ ຈະເກີດ 6 ອາການຕໍ່ໄປນີ້ :

1. ສຸຂະພາບອ່ອນແອລົງ : ການດື່ມນຳ້ໃນປະລິມານທີ່ພຽງພໍຕໍ່ຄວາມຕ້ອງການຂອງຮ່າງກາຍຈະຊ່ວຍປ້ອງກັນການເປັນໜິ້ວໃນໝາກໄຂ່ຫລັງ, ພະຍາດມະເຮັງໃນລະບົບທໍ່ອາຫານ ແລະ ລະບົບພົກຍ່ຽວແລ້ວຍັງຊ່ວຍປ້ອງກັນທ່ານຈາກພະຍາດຫົວໃຈໄດ້ນຳ.
2. ການເຜົາຜານຊ້າລົງ : ການເຜົາຜານໃນຮ່າງກາຍຂອງມະນຸດນັ້ນຂຶ້ນຢູ່ກັບການດື່ມນຳ້ ຫາກດື່ມນຳ້ຫລາຍຂຶ້ນ ຮ່າງກາຍກໍຈະເກີດການເຜົາຜານທີ່ໄວຂຶ້ນໄປນຳ.
3. ຕ້ອງໃຊ້ຄວາມພະຍາຍາມຫລາຍຂຶ້ນຂະນະເຮັດວຽກ : ສະໝອງຂາດນຳ້ຈະເຮັດໃຫ້ທ່ານເຮັດວຽກຢ່າງມີປະສິດທິພາບຫລຸດລົງ ດັ່ງນັ້ນ ທ່ານຕ້ອງໃຊ້ເວລາຫລາຍຂຶ້ນ ແລະ ໃຊ້ຄວາມພະຍາຍາມໃນການເຮັດວຽກໃຫ້ແລ້ວຫລາຍຂຶ້ນ.
4. ເກີດອາການຢາກກິນອາຫານຫລາຍຂຶ້ນ : ຄົນທີ່ດື່ມນຳ້ໃນປະລິມານ 2 ຈອກກ່ອນກິນອາຫານຈະມີປະລິມານກາລໍຣີໜ້ອຍລົງ 75 – 90 ໃນເວລາ 3 ເດືອນ ນຳ້ໜັກຈະຫລຸດລົງ 2,5 ກິໂລກຣາມ.
5. ຜິວໜັງຫ່ຽວແຫ້ງ ແລະ ເບິ່ງເຖົ້າກ່ວາອາຍຸ : ນຳ້ຈະເພີ່ມຄວາມຊຸ່ມຊື່ນໃຫ້ແກ່ຜິວໜັງ ຫລຸດຮອຍຫ່ຽວ, ຕື່ມຄວາມສົດໃສໃຫ້ແກ່ຜິວໜັງຂອງທ່ານໄດ້.
6. ມີຄວາມຮູ້ສຶກຫົດຫູ່ ແລະ ໂສກເສົ້າ : ພວກເຂົາຈະຮູ້ສຶກໄດ້ເຖິງຄວາມອ່ອນແອ ແລະ ສັບສົນ ຫລື ຄວາມໂສກເສົ້າ ເຊິ່ງຈະແຕກຕ່າງຈາກຄົນທີ່ມັກດື່ມນຳ້ຫລາຍເປັນປະຈຳ.