ເປີດເຜີຍທີມທີ່ຈະໄດ້ ໂອຣິກີ ແບບຟຣີໆ ຫລັງນັກເຕະຈະໝົດສັນຍາໃນລະດູການນີ້

ເປີດເຜີຍທີມທີ່ມີໂອກາດໄດ້ ດີວ໊ອກ ໂອຣິກີ ກອງຫນ້າຊາວເບລຢ້ຽມຂອງສະໂມສອນ ລີເວີພູລ ທີມດັງແຫ່ງ ພຣີເມຍລີກ ອັງກິດ ທີ່ກຽມຍ້າຍອອກຈາກທີມຫລັງຈົບລະດູການນີ້ແບບບໍ່ມີຄ່າຕົວ ນັ້ນຄື ເອຊີ ມິລານ ສະໂມສອນຊັ້ນນຳໃນເວທີ ກັລໂຊ ເຊເຣຍອາ ອິຕາລີ.

ເປັນຮູ້ດີວ່າ ດີວ໊ອກ ໂອຣິກີ ຍ້າຍມາຫລິ້ນໃນຖິ່ນຂອງ ແອນຟິວ ເມື່ອປີ 2014 ເຊິ່ງເຖິງວ່າລາວຈະຢູ່ກັບທີມມາຍາວນານຄົນຫນຶ່ງ ແຕ່ກັບບໍ່ສາມາດກ້າວຂຶ້ນມາເປັນຕົວຫລັກຂອງທີມໄດ້ ໂດຍເປັນພຽງຕົວສຳຮອງເທົ່ານັ້ນ.

ຫລ້າສຸດມີລາຍງານວ່າ ເອຊີ ມິລານ ເປັນທີມຫນ່ຶງດຽວທີ່ມີໂອກາດຫລາຍທີ່ສຸດຈະໄດ້ດາວຍິງອາຍຸ 26 ປີ ຄົນນີ້ໄປຮ່ວມທີມແບບບໍ່ມີຄ່າຕົວ ເນື່ອງຈາກນັກເຕະຈະຫມົດສັນຍາກັບທີມຕົ້ນສັງກັດຫລັງຈົບລະດູການນີ້.