ເວົ້າຄົນດຽວບໍ່ໄດ້ໝາຍຄວາມວ່າເປັນບ້າ ແຕ່ເຈົ້າອາດເປັນຄົນທີ່ສະຫລາດ

ເຊື່ອວ່າຫລາຍຄົນຈະມີອາການເວົ້າຄົນດຽວ ບໍ່ວ່າຈະເປັນເວລາເຮັດວຽກ ບາງຄັ້ງເຮົາອາດຈະເວົ້າຂຶ້ນມາວ່າຕ້ອງເຮັດຫຍັງແດ່ ເຮັດຫຍັງແດ່ໄປແລ້ວ ຫລື ເວລາໄປຫລິ້ນກໍຈະເວົ້າວ່າຕ້ອງໄປທາງນີ້ ໄປທາງນັ້ນ ເຊິ່ງເບິ່ງແລ້ວມັນຄືຕະຫລົກ ຈົນບາງຄັ້ງມີຄົນຖາມວ່າເວົ້ານຳໃຜ?
ເປັນຫຍັງເວົ້າຄົນດຽວຈຶ່ງມີແນວໂນ້ມເປັນຄົນສະຫລາດ?
ຄົນທີ່ເວົ້າຄົນດຽວຈະມີການກະຕຸ້ນຄວາມຈື່ຈຳ ເຮັດໃຫ້ຄວາມຄິດເດັ່ນຂຶ້ນ ແລະ ຈົດຈໍ່ກັບສິ່ງຕ່າງໆໄດ້ຫລາຍຂຶ້ນ
ເວົ້າກັບຕົນເອງມີຂໍ້ດີແນວໃດ?

• ກະຕຸ້ນຄວາມຈື່ຈຳ
ເມື່ອໄດ້ເວົ້າກັບຕົນເອງ ກົນໄກທາງປະສາດສຳຜັດຂອງເຮົາຈະເປີດໃຊ້ງານ ເຮັດໃຫ້ເຮົາຈື່ຈຳສິ່ງຕ່າງໆໄດ້ງ່າຍຂຶ້ນ ແລະ ເຮັດໃຫ້ເຮົານຶກພາບອອກມາໄດ້
• ເຮັດໃຫ້ເຮົາມີສະມາທິຫລາຍຂຶ້ນ
• ການທີ່ເຮົາເວົ້າກັບໂຕເອງ ໂດຍສະເພາະຖ້າໄດ້ເປັ່ງສຽງອອກມາ ຈະຊ່ວຍໃຫ້ເຮົາຈື່ຈຳໄດ້ຫລາຍຂຶ້ນ ສະໝອງຈະມີພາບຂຶ້ນມາ ເມື່ອມີພາບຂຶ້ນມາແລ້ວເຮົາຈະມີສະມາທິກັບສິ່ງທີ່ເຮົາກຳລັງຈະເຮັດໃຫ້ຫລາຍຂຶ້ນ
• ຊ່ວຍຈັດລຳດັບຄວາມຄິດ
ບາງຄັ້ງທີ່ພົບບັນຫາ ພົບເລື່ອງທີ່ເຮັດໃຫ້ເຮົາເສົ້າ ເສຍໃຈ ໃຈຮ້າຍ ການເວົ້າກັບໂຕເອງຈະໃຫ້ເຮົາຈັດລຳດັບຄວາມຄິດ ຄວາມຮູ້ສຶກອອກມາໄດ້ດີກວ່າ ເຮັດໃຫ້ເີົາຫງຸດຫງິດໜ້ອຍລົງ ເພາະ ມັນຄືການໄດ້ລະບາຍ ໄດ້ເວົ້າອອກມາ
ການທີ່ເຮົາເວົ້າກັບຕົນເອງມັກຈະພົບກັບ 3 ເລື່ອງຫລັກໆຄື:
• ການໃຫ້ກຳລັງໃຈຕົນເອງ
• ອະທິບາຍ ຫລື ເວົ້າເຖິງເລື່ອງທີ່ໄດ້ພົບ
• ເວົ້າສິ່ງທີ່ເປັນຜົນລົບຕໍ່ຕົນເອງ

ໂດຍ 3 ເລື່ອງນີ້ເປັນເລື່ອງທົ່ວໄປທີ່ເຮົາມັກເວົ້າກັບໂຕເອງເຮົາບໍ່ໄດ້ບັນຫາທາງຈິດແຕ່ຢ່າງໃດ ແຕ່ຂໍໃຫ້ລະວັງການເວົ້າລົບກັບໂຕເອງ ເຊິ່ງປົກກະຕິຄົນເຮົາມັກເວົ້າເລື່ອງທີ່ທຳຮ້າຍຈິດໃຈຕໍ່ຕົນເອງຈົນເກີນຄວາມເປັນຈິງ ແລະ ມັນອາດຈະສົ່ງຜົນເສຍທີ່ເຮັດໃຫ້ເຮົາຮູ້ສຶກບໍ່ດີ ແລະ ນຳໄປສູ່ບັນຫາທາງດ້ານສຸຂະພາບຈິດ ຮູ້ແບບນີ້ແລ້ວຢ່າລືມເວົ້າກັບໂຕເອງເລື້ອຍໆຈະໄດ້ມີການພັດທະນາຕົນເອງໄປໃນຕົວ