ສະເຫລີມສະຫລອງວັນສ້າງຕັ້ງອົງການ ກວດສອບແຫ່ງລັດຄົບຮອບ 19 ປີ
ໃນວັນທີ 4 ສິງຫານີ້ ອົງ ການກວດສອບແຫ່ງລັດໄດ້ຈັດ ຕັ້ງພິທີສະເຫລີມສະຫລອງ ວັນສ້າງຕັ້ງອົງການຂອງຕົນ ຄົບຮອບ 19 ປີ (ວັນທີ 5 ສິງຫາ 1998-5 ສິງຫາ 2017), ໂດຍ ການເຂົ້າຮ່ວມຂອງທ່ານ ພົນໂທ ແສງນວນ ໄຊຍະລາດ ຄະນະ ເລ ຂາທິ ສູນກາງພັກ, ຮອງປະທານ ສະພາແຫ່ງຊາດ ແລະ ທ່ານ ນາງ ວຽງທອງ ສີພັນດອນ ກຳມະ ການສູນກາງພັກ, ປະທານ ອົງ ການກວດສອບແຫ່ງລັດ.
+ ສະເຫລີມສະຫລອງວັນປະຊາກອນໂລກປີ 2017
+ ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ
+ ອົງການສິດທິມະນຸດເຕືອນບຣາຊິນ ສ່ຽງຜະເຊີນໄວຣັສຊິກາລະບາດຮອບໃໝ່
ພິທີດັ່ງກ່າວ, ໄດ້ຮັບຟັງການ ຫວນ ຄືນປະຫວັດແຫ່ງການ ກຳ ເນີດເຕີບໃຫຍ່ຂະຫຍາຍ ຕົວຂອງ ອົງການກວດສອບແຫ່ງລັດ ໃນ 19 ປີ, ຜ່ານມາໃນການປະຕິບັດ ໜ້າທີ່ກວດສອບງົບ ປະມານ ແຫ່ງ ລັດຂອງບັນດາກະຊວງ, ອົງ ການ, ແຂວງ, ນະຄອນຫລວງ, ຫົວໜ່ວຍທຸລະກິດລັດ, ທະນາ ຄານແຫ່ງລັດ, ທະນາຄານທຸລະ ກິດລັດ, ຫົວໜ່ວຍທີ່ບໍ່ສະແຫວງ ຫາຜົນ ກຳໄລ, ໂຄງການເງິນກູ້ ຢືມ ແລະ ຊ່ວຍເຫລືອຈາກຕ່າງ ປະເທດ. ເຊິ່ງສາມາດສັງລວມ ການກວດສອບໄດ້ທັງໝົດ 612 ເທື່ອ, ໃນນັ້ນກວດສອບບົດສະ ຫລຸບຂາດຕົວການຈັດຕັ້ງປະຕິ ບັດ ແຜນງົບປະມານແຫ່ງລັດ ຢູ່ບັນດາກະຊວງ, ອົງການ, ບັນ ດາແຂວງ ແລະ ນະຄອນຫລວງ ຈຳນວນ 383 ເທື່ອ, ກວດສອບ ທະນາຄານຈຳນວນ 25 ເທື່ອ, ກວດສອບວິສາຫະກິດ ຈຳນວນ 72 ເທື່ອ, ກວດ ສອບໂຄງການ ເງິນກູ້ຢືມ ແລະ ຊ່ວຍເຫລືອຈາກ ຕ່າງປະເທດ ໄດ້ຈຳນວນ 113 ເທື່ອ, ກວດສອບສ້າງຄວາມ ເຂັ້ມແຂງ ລວມມີກວດສອບ ກອງທຶນສາກົນເພື່ອ ການພັດທະນາ 6 ເປົ້າ ໝາຍ, ເຂົ້າຮ່ວມ ໃນຄະນະກຳມະການກວດ ສອບງົບປະມານ ກອງເລຂາອາ ຊຽນ ຈຳນວນ 6 ເປົ້າໝາຍເຂົ້າ ຮ່ວມກວດສອບ ແລກປ່ຽນບົດ ຮຽນ ຢູ່ອົງການ ກວດສອບແຫ່ງ ລັດ ສສ ຫວຽດ ນາມ ຈຳນວນ 7 ເປົ້າໝາຍ.
ໂອກາດນີ້, ທ່ານ ພົນໂທ ແສງນວນ ໄຊຍະລາດ ໄດ້ໃຫ້ ທິດຊີ້ນຳແຕ່ລະດ້ານ ເປັນຕົ້ນເອົາ ໃຈໃສ່ວຽກງານສຶກສາອົບຮົມ ແນວຄິດການເມືອງ ໃຫ້ພະນັກ ງານສ້າງຄວາມໜັກແໜ້ນ, ມີ ຄວາມເປັນເອກະພາບ, ສາມັກຄີ ຮັກແພງຊ່ວຍເຫລືອ ແລະ ເຊື່ອ ໝັ້ນ ເຊິ່ງກັນ ແລະ ກັນຕັ້ງໜ້າສືບ ຕໍ່ປັບປຸງອົງຄະນະພັກອົງການ ກວດສອບແຫ່ງລັດ ໃຫ້ມີຄວາມ ປອດໃສ, ໜັກແໜ້ນເຂັ້ມແຂງ ແລະ ປັບປຸງກົງຈັກການຈັດຕັ້ງ, ສ້າງ ແລະ ປັບປຸງ ນິຕິກຳລຸ່ມກົດ ໝາຍ, ປະຕິບັດວຽກງານວິຊາ ສະເພາະກວດສອບຕາມກົດ ໝາຍ ແລະ ລະບຽບການທີ່ກ່ຽວ ຂ້ອງ, ສ້າງທັດສະນະຂອງພະ ນັກງານ-ນັກກວດສອບ ໃຫ້ມີຈັນ ຍາບັນທີ່ຖືກຕ້ອງ ແລະ ປະຕິບັດ ຫລັກ ການເຄື່ອນໄຫວຕາມມາດ ຕະຖານການກວດສອບແຫ່ງ ລັດ, ຖືສຳຄັນວຽກງານ ການປະສານສົມທົບກັບສະພາແຫ່ງ ຊາດ, ກົງຈັກທີ່ຄຸ້ມຄອງງົບປະ ມານແຫ່ງລັດ ແລະ ຄົ້ນຄວ້າ ກົນໄກການແກ້ໄຂການລະ ເມີດ ວິໄນແຜນການ-ການເງິນໃຫ້ມີ ຄວາມສັກສິດກວ່າເກົ່າ.
