ດີບາລາ ເລືອກທີມໃຫມ່ແລ້ວ ຫລັງບໍ່ຕໍ່ສັນຍາກັບ ຢູເວນຕຸສ

‘‘  65 ຟຸດ Mercato ’’ ສື່ຂອງຝຣັ່ງຕີຂ່າວວ່າ ເປົາໂລ ດີບາລາ ກອງໜ້າຊາວອາເຈນຕິນາຂອງ “ມ້າລາຍ” ຢູເວນຕຸສ ສະໂມສອນຍັກໃຫຍ່ແຫ່ງ ກັລໂຊ ເຊເຣຍ ອາ ຢາກຍ້າຍໄປຮ່ວມທີມ ປາຣີ ແຊັງ-ແຊັກແມັງ ສະໂມສອນຍັກໃຫຍ່ຂອງ ລີກ ເອິງ ຝຣັ່ງ ໃນລະດູຮ້ອນນີ້.

ກ່ອນຫນ້ານີ້, ຟາບຣີຊີໂອ ໂຣມາ ນັກຂ່າວຊາວອິຕາລີ. ຫາກໍອອກມາຢືນຢັນວ່າ ດີບາລາ ອາຍຸ 28 ປີຈະບໍ່ເຊັນສັນຍາສະບັບໃຫມ່ກັບຕົ້ນສັງກັດແທນທີ່ສະບັບເກົ່າທີ່ຈະຫມົດໃນລະດູຮ້ອນນີ້. ແລະກຽມອຳລາຢູເວນຕຸສ ແບບບໍ່ມີຄ່າຕົວຫຼັງຈາກລະດູການນີ້. ເຮັດໃຫ້ລາວໄດ້ຄວາມສົນໃຈຈາກຫຼາຍໆສະໂມສອນໃນທົ່ວຢູຣົບ ລວມທັງທີມຈາກ ພຣີເມຍລີກ ອັງກິດ.

ຢ່າງໃດກໍຕາມ, ລາຍງານຫຼ້າສຸດຈາກສື່ດັງຂອງຝຣັ່ງລະບຸວ່າ ດິບາລາ ຕ້ອງການຍ້າຍໄປຢູ່ກັບ ປາຣີ ແຊັງ-ແຊັກແມັງ, ເຊິ່ງກໍຈະພໍດີເຫມາະກັບທີ່  ເປແອສເຊ ຫາກໍແຈ້ງໃຫ້ ເມົາໂຣ ອີຄາດີ ກອງໜ້າທີມຮ່ວມຊາດຂອງ  ດິບາລາ ຫາທີມໃໝ່ໄດ້ເລີຍ ເນື່ອງຈາກຈະບໍ່ຢູ່ໃນແຜນການເຮັດທີມໃນລະດູການຫນ້າ.