ມຽນມາ ຈະເປີດຮັບນັກທ່ອງທ່ຽວໃນວັນທີ 17 ເມສາ ທີ່ຈະມາເຖິງນີ້

ສຳນັກຂ່າວ AFP ຕ່າງປະເທດລາຍງານ: ວັນທີ 20 ມີນາ 2022 ຜ່ານມາ ມຽນມາ ປິດດ່ານຊາຍແດນບໍ່ຮັບນັກທ່ອງທ່ຽວມາຕັ້ງແຕ່ເດືອນ ມີນາ ປີ 2021 ໃນໄລຍະເລີ່ມຕົ້ນຂອງການລະບາດຂອງພະຍາດໂຄວິດ-19 ຊຶ່ງເປັນສ່ວນໜຶ່ງຂອງຄວາມພະຍາຍາມເພື່ອປ້ອງກັນການຕິດເຊື້ອເພີ່ມຂຶ້ນ ແລະ ບັນຫາຕ່າງໆພາຍໃນປະເທດ ເຮັດໃຫ້ເສດຖະກິດຂອງປະເທດລວມທັງອຸດສາຫະກໍາການທ່ອງທ່ຽວຫຼຸດລົງ.

ຄະນະກຳມະການກາງແຫ່ງຊາດວ່າດ້ວຍການປ້ອງກັນ, ຄວບຄຸມ ແລະ ປິ່ນປົວພະຍາດໂຄວິດ-19 ກ່າວວ່າ, ຈະເປີດຖ້ຽວບິນລະຫວ່າງປະເທດທັງໝົດ ໃນວັນທີ 17 ເມສາ 2022ທີ່ຈະເຖິງນີ້ ແລະ ສາມາດບິນໄດ້ຕາມປົກກະຕິ ເນື່ອງຈາກວ່າໃນຂະນະນີ້ຍອດຈຳນວນຜູ້ຕິດເຊື້ອພະຍາດໂຄວິດ-19 ໄດ້ຫຼຸດລົງ.

ຄະນະກຳມະການດັ່ງກ່າວຍັງກ່າວວ່າ, ການຕັດສິນໃຈດັ່ງກ່າວ ແມ່ນເພື່ອຊຸກຍູ້ຂະແໜງການທ່ອງທ່ຽວ ແລະ ເພື່ອເຮັດໃຫ້ການເດີນທາງຂອງຜູ້ທີ່ມາທ່ຽວມຽນມາດຳເນີນໄປຢ່າງສະດວກ. ສ່ວນກະຊວງສາທາລະນະສຸກມຽນມາກ່າວວ່າ: ນັກທ່ອງທ່ຽວຈະຕ້ອງກັກໂຕເປັນເວລາໜຶ່ງອາທິດ ແລະ ເຂົ້າຮັບການກວດເຊື້ອ ໂຄວິດ 2 ຄັ້ງ ແລະຕ້ອງໄດ້ຮັບການສັກວັກຊິນຄົບໂດສແລ້ວ.