ບາເຊໂລນາ ສົນໃຈບໍ່ ? ລີເວີພູລ ຕັ້ງຄ່າຕົວ ຊາລາ 100 ລ້ານຢູໂຣ

ລີເວີພູລ ສະໂມສອນໃຫຍ່ແຫ່ງພຣີເມຍລີກ ອັງກິດ ພ້ອມພິຈາລະນາປ່ອຍ ໂມຮາເຫມັດ ຊາລາ ປີກທີມຊາດອີຢິບ ອອກຈາກຖິ່ນແອນຟິວໃນລະດູການນີ້ ຫາກໄດ້ຄ່າຕົວ 100 ລ້ານຢູໂຣ.

ສຳລັບ ຊາລາ ພວມຈະຫມົດສັນຍາກັບລີເວີພູລ ໃນລະດູການ 2023 ແລະ ການຕໍ່ສັນຍາກໍບໍ່ມີຄວາມຄືບຫນ້າແຕ່ຢ່າງໃດ ເນື່ອງຈາກຍັງຕົກລົງເລື່ອງຕົວເລກຄ່າເມື່ອຍບໍ່ໄດ້ ທ່າມກາງກະແສຂ່າວພັນກັບ ບາເຊໂລນາ.

ທັງນີ້ ລາຍງານຫລ້າສຸດຈາກ ສະປອດ ສື່ຊື່ດັງຂອງສະເປນ ລະບຸວ່າ ລີເວີພູລ ພ້ອມຈະປ່ອຍ ຊາລາ ໃນລະດູການນີ້ ກໍຕໍເມື່ອໄດ້ຄ່າຕົວ 100 ລ້ານຢູໂຣເທົ່ານັ້ນ ເພາະ ຊາລາ ຖືເປັນຫນຶ່ງໃນນັກເຕະຄົນສຳຄັນຂອງທີມ ແຕ່ມັນກໍມີຄວາມເປັນໄປໄດ້ທີ່ພວກເຂົາອາດຈະຍອມຮັບຂໍ້ສະເຫນີທີ່ຕຳ່ລົງກວ່ານີ້ ຫາກ ຊາລາ ຕັດສິນໃຈບໍ່ຕໍ່ສັນຍາ ເພາະຢ້ານວ່າຈະເສຍໄປແບບລ້າໆນັ້ນເອງ.