4  ກຸ່ມຜູ້ປ່ວຍຫ້າມກິນ ຟ້າທະລາຍໂຈນ ເມື່ອມີອາການເຈັບຄໍ.

ການສຶກສາປະສິດທິຜົນຂອງຢາແຄັບຊູນຟ້າທະລາຍໂຈນ (ໂດຍຄວບຄຸມຄຸນນະພາບໃຫ້ມີປະລິມານ total lactone ຄຳນວນເປັນ Andrographolide ບໍ່ໜ້ອຍກ່ວາ 6%) ໃນການຫລຸດຜ່ອນອາການໄຂ້ເຈັບຄໍ (pharyngotonsillitis) ແບບ double-blind, randomized trial ໃນຄົນປ່ວຍທີ່ເປັນໄຂ້ ແລະ ເຈັບຄໍ ແບ່ງເປັນ 3 ກຸ່ມ :

1. ກຸ່ມກິນຢາພາຣາເຊຕາໂມນ.
2. ກຸ່ມກິນຢາຟ້າທະລາຍໂຈນ ຂະໜາດ 3 ກຣາມ/ມື້.
3. ກຸ່ມກິນຢາຟ້າທະລາຍໂຈນ ຂະໜາດ 6 ກຣາມ/ມື້ (ເທື່ອລະ 1,5 ກຣາມ ມື້ລະ 4 ເທື່ອ).

ໂດຍທົດລອງດົນ 7 ມື້ ພົບວ່າ : ໃນມື້ທີ 3 ຂອງການປິ່ນປົວຜູ້ປ່ວຍກຸ່ມທີ່ໄດ້ຮັບຢາພາຣາເຊຕາໂມນ ຫລື ແຄັບຊູນຟ້າທະລາຍໂຈນ ຂະໜາດ 6 ກຣາມ/ມື້ ອາການໄຂ້ ແລະ ອາການເຈັບຄໍເຊົາໄປຫລາຍກ່ວາກຸ່ມທີ່ໄດ້ຮັບຢາຟ້າທະລາຍໂຈນຂະໜາດ 3 ກຣາມ/ມື້ ແຕ່ຜົນການປິ່ນປົວບໍ່ແຕກຕ່າງກັນໃນມື້ທີ 7 ຂອງການປິ່ນປົວ.

ນອກຈາກນີ້, ຜົນຂ້າງຄຽງທັງ 3 ກຸ່ມ ບໍ່ແຕກຕ່າງກັນ ພົບປະມານ 20% ຂອງຜູ້ປ່ວຍແຕ່ລະກຸ່ມ ອາການທີ່ພົບແມ່ນປຸ້ນທ້ອງ, ປວດຮາກ, ຮູ້ສຶກບໍ່ສະບາຍທ້ອງ ແລະ ບໍ່ສະບາຍໂຕ,​ ວິນຫົວ,​ ງ່ວງນອນ ແລະ ອ່ອນເພຍ.

ແນວໃດກໍຕາມ, ຢາຟ້າທະລາຍໂຈນມີຂໍ້ຈຳກັດໃນການໃຊ້ ໃນກຸ່ມຄົນປ່ວຍບາງກຸ່ມບໍ່ແນະນຳໃຫ້ໃຊ້ຢາຟ້າທະລາຍໂຈນໃນການປິ່ນປົວອາການເຈັບຄໍ.

• ຟ້າທະລາຍໂຈນ ກັບຂໍ້ຄວນລະວັງເມື່ອກິນຄູ່ກັບຢາອື່ນໆ, 4 ກຸ່ມຄົນປ່ວຍຫ້າມກິນຟ້າທະລາຍໂຈນ ເມື່ອມີອາການເຈັບຄໍ, ຫ້າມໃຊ້ຟ້າທະລາຍໂຈນສຳລັບແກ້ເຈັບຄໍໃນກໍລະນີຕ່າງໆຕໍ່ໄປນີ້ :

1. ຜູ້ປ່ວຍທີ່ມີອາການເຈັບຄໍເນື່ອງຈາກຕິດເຊື້ອ Streptococcus group A.
2. ຜູ້ປ່ວຍທີ່ມີປະຫວັດເປັນພະຍາດໝາກໄຂ່ຫລັງອັກເສບ ເນື່ອງຈາກເຄີຍຕິດເຊື້ອ Streptococcus group A.
3. ຜູ້ປ່ວຍທີ່ມີປະຫວັດເປັນພະຍາດຫົວໃຈ.
4. ຜູ້ປ່ວຍທີ່ມີອາການເຈັບຄໍເນື່ອງຈາກມີການຕິດເຊື້ອແບັກທີເຣຍ ແລະ ມີອາການຮຸນແຮງ ເຊັ່ນ : ມີຕຸ່ມໜອງໃນຄໍ, ມີໄຂ້ສູງ ແລະ ໜາວສັ່ນ.

• ຂໍ້ບົ່ງໃຊ້ຂອງຢາຟ້າທະລາຍໂຈນ ຕາມບັນຊີຢາຫລັກ :

1. ຫລຸດຜ່ອນອາການຖອກທ້ອງຊະນິດທີ່ບໍ່ເກີດຈາກການຕິດເຊື້ອ ເຊັ່ນ : ອາຈົມບໍ່ເປັນເມືອກ ຫລື ມີເລືອດປົນ.
2. ຫລຸດຜ່ອນອາການເຈັບຄໍ.
3. ຫລຸດຜ່ອນອາການຂອງໄຂ້ຫວັດທຳມະດາ ເຊັ່ນ : ເຈັບຄໍ, ປວດເມື່ອກ້າມຊີ້ນ.

• ຂະໜາດ ແລະ ວິທີໃຊ້ຢາຟ້າທະລາຍໂຈນ ເພື່ອຫລຸດຜ່ອນອາການຖອກທ້ອງ ແມ່ນກິນເທື່ອລະ 500 ມິນລີກຣາມ ຫລື 2 – 8 ແຄັບຊູນ ມື້ລະ 4 ເທື່ອ ຫລັງອາຫານ ແລະ ກ່ອນນອນ, ຫລຸດອາການໄຂ້ຫວັດ – ເຈັບຄໍ ແມ່ນກິນເທື່ອລະ 1,5 – 3 ກຣາມ ມື້ລະ 4 ເທື່ອ ຫລັງອາຫານ ແລະ ກ່ອນນອນ.
• ຂໍ້ຄວນລະວັງໃນການກິນຢາຟ້າທະລາຍໂຈນ :

1. ຫ້າມໃຊ້ກັບແມ່ຍິງຖືພາ ແລະ ແມ່ລູກອ່ອນ ເນື່ອງຈາກອາດເຮັດໃຫ້ລູກໃນທ້ອງພິການໄດ້.
2. ການກິນຢາຟ້າທະລາຍໂຈນອາດເຮັດໃຫ້ເກີດອາການຜິດປົກກະຕິຂອງລະບົບອາຫານ ເຊັ່ນ : ເຈັບທ້ອງ, ຖ່າຍ,​ ປຸ້ນທ້ອງປວດຮາກ, ເບື່ອອາຫານ, ວິນຫົວ,​ ໃຈສັ່ນ ແລະ ເປັນຕຸ່ມຜື່ນໄດ້.
3. ຫາກໃຊ້ຕິດກັນເປັນເວລາດົນ ອາດເຮັດໃຫ້ແຂນຂາມີອາການມຶນຊາ ຫລື ອ່ອນແຮງ.
4. ຫາກໃຊ້ຢາຟ້າທະລາຍໂຈນຕິດຕໍ່ກັນ 3 ມື້ ແລ້ວບໍ່ເຊົາ ຫລື ມີອາການຮຸນແຮງລະຫ່ວາງໃຊ້ຢາ ຄວນຢຸດໃຊ້ ແລະ ພົບແພດທັນທີ.
5. ຄວນລະວັງການໃຊ້ຮ່ວມກັບສານກັນເລືອດກ້າມ (anticoagulants) ແລະ ຢາຕ້ານການກ້າມຂອງເກັດເລືອດ (Antiplatelet).
6. ຄວນລະວັງການໃຊ້ຮ່ວມກັບຢາຫລຸດຄວາມດັນເລືອດ ເພາະອາດເສີມລິດກັນໄດ້.
7. ຄວນລະວັງການໃຊ້ຮ່ວມກັບຢາທີ່ຂະບວນການເມຕາບໍລິຊຶມ ຜ່ານເອັນໄຊ Cytochrome P450 (CYP) ເນື່ອງຈາກຢາຟ້າທະລາຍໂຈນມີລິດຂັດຂວາງເອັນໄຊ CYP1A2, CYP2C9 ແລະ CYP3A4.