ແຟນແມນຢູຮັບໄດ້ບໍ່ ? ຖ້າເຫັນ ເວສແຮມ ໄປຢູຟາ ແຊ໊ມປຽນລີກ ທັງທີ່ບໍ່ຕິດ 1 ໃນ 4 ພຣີເມຍລີກ
ຄວັນຫລົງເຕະບານຢູໂຣປາລີກ ຮອບ 16 ທີມສຸດທ້າຍ ນັດທີ 2 ເຊິ່ງ ເວສແຮມ ຢູໄນເຕັດ ເປີດບ້ານເອົາຊະນະ ເຊບີຢາ ອະດີດແຊ໊ມ 6 ສະໄຫມໃນເວລາ 90 ນາທີ 1-0 ເຮັດໃຫ້ປະຕູລວມ 2 ນັດ 1-1 ກ່ອນຕໍ່ເວລາພິເສດ ເວສແຮມເປັນຝ່າຍຊະນະໄປ 2-1 ເຂົ້າຮອບ 8 ທີມສຸດທ້າຍໃນເຕະບານຢູໂຣບເປັນຄັ້ງທຳອິດໃນຮອບ 41 ປີ.
ການເຂົ້າຮອບຂອງ ເວສແຮມ ຢູໄນເຕັດ ເຮັດໃຫ້ພວກເຂົາມີໂອກາດໄດ້ໂຄຕ້າໄປຫລິ້ນ ຢູຟາ ແຊ໊ມປຽນລີກ ລະດູການຫນ້າ ເພີ່ມເປັນ 2 ທາງ ໂດຍທາງທຳອິດຈາກການຈົບລະດູການດ້ວຍອັນດັບ 1 ໃນ 4 ຂອງພຣີເມຍລີກ ອັງກິດ ແລ້ວ ຍັງມີໂອກາດອີກ 1 ທາງ ຄື ການຄວ້າແຊ໊ມຢູໂຣປາລີກ ເຊິ່ງຈະໄດ້ສິດເຂົາຮອບແບ່ງກຸ່ມຢູຟາແຊ໊ມປຽນລີກ ໂດຍອັດຕະໂນມັດ ເຖິງຈະບໍ່ຕິດ 1 ໃນ 4 ພຣີເມຍລີກກໍຕາມ.
ສຳລັບສະຖານະການຫຼ້າສຸດໃນກຸ່ມພວມຍາດພື້ນທີ່ອັນດັບ 4 ຂອງ ພຣີເມຍລີກ ອັງກິດ ກ່ອນຈົບລະດູການນີ້ ໃນນັດທີ 38 ມີດັ່ງນີ້.
ອັນດັບ 4 ອາເຊນອນ ລົງຫຼິ້ນ 27 ນັດ ມີ 51 ຄະແນນ
ອັນດັບ 5: ແມນເຊສເຕີ ຢູໄນເຕັດ 29 ນັດ ມີ 50 ຄະແນນ
ອັນດັບ 6 ເວສແຮມ ຢູໄນເຕັດ ລົງຫຼິ້ນ 29 ນັດ ມີ 48 ຄະແນນ
ອັນດັບ 7 ສະເປີ ລົງຫຼິ້ນ 28 ນັດ ມີ 48 ຄະແນນ
ອັນດັບ 8 ວູຟແຮັມຕັນ ລົງຫຼິ້ນ 29 ນັດ ມີ 46 ຄະແນນ
ຖ້າເບິ່ງຈາກຕາຕະລາງແລ້ວ ອາເຊນອລ ຖືເປັນທີມໄດ້ປຽບຫລາຍທີ່ສຸດ ເນື່ອງຈາກຍັງເຫລືອອີກ 2 ນັດໃນມື ຫາກເກັບໄຊຊະນະໄດ້ທັງຫມົດ ຈະຫນີຫ່າງທີມຄູ່ແຂ່ງທັນທີ ຈຶ່ງມີໂອກາດສູງທີ່ ແມນຢູ, ເວສແຮມ,ສະເປີ ແລະ ວູບແຮມຕັນ ອາດຕ້ອງຜິດຫວັງ ແລະ ໄປລຸ້ນໂຄຕາຢູໂຣປາລີ ຫລື ຢູໂຣປາ ຄອນເຟີເຣນ ລີກ ແທນ.
ແນວໃດກໍຕາມ ເວສແຮມ ຍັງມີໂອກາດໄດ້ໄປຫລິ້ນ ຢູຟາ ແຊ໊ມປຽນລີກ ໃນຖານະແຊ໊ມຢູໂຣປາລີກ ຫາກສາມາດຜ່ານດ່ານອີກ 3 ຮອບໄປໄດ້ ຂະນະທີ່ທີມອື່ນເຫລືອທາງດຽວຄື ການຕິດອັນດັບ 1 ໃນ 4 ພຣີເມຍລີກເທົ່ານັ້ນ.
