ອາເຊນອລ ເລີ່ມເປີດສາກເຈລະຈາກັບ ບາເຊໂລນາ ຫວັງດຶງ ຄູຕິນໂຢ ມາຮ່ວມທີມ

ອາເຊນອລ ຕົກເປັນຂ່າວກຽມແຊງແອສຕັນ ວິລລາ ເພື່ອດຶງ ຟີລິບເປ ຄູຕິນໂຢ ມາຮ່ວມສັງກັດ ໂດຍເລີ່ມດຳເນີນການຕິດຕໍ່ກັບບາເຊໂລນາແລ້ວ.

ຄູຕິນໂຢ ປະເຊີນກັບໄລຍະເວລາທີ່ຕົກຕຳ່ນັບຕັ້ງແຕ່ຍ້າຍມາຈາກ ລີເວພູລ ໄປຢູ່ກັບ ບາເຊໂລນາ ເມື່ອປີ 2018 ແລ້ວຫາກໍກັບມາໂດດເດັ່ນອີກເທື່ອຫນຶ່ງເມື່ອຖືກປ່ອຍໃຫ້ ແອສຕັນ ວິລລາ ທີມພຣີເມຍລີກອີກລາຍ ຢືມຕົວມາໃຊ້ງານໃນຂະນະນີ້.

ໂດຍ ວິລລາ ມີເງື່ອນໄຂສາມາດຊື້ຂາຍຄູຕິນໂຢເມື່ອຈົບລະດູການນີ້ ດ້ວຍເງິນ 33 ລ້ານປອນ ແຕ່ນອກຈາກປະເດັນຄ່າຕົວແລ້ວ ວິລລາ ຍັງຕ້ອງກ່ອມໃຫ້ນັກເຕະບຣາຊິລຍອມຕົກລົງຍ້າຍມາຢູ່ນຳອີກ ເຊ່ິງຕອນນີ້ກໍຍັງບໍ່ສຳເລັດ.

ລາຍງານລະບຸວ່າ ອາເຊນອລ ພວມຈັບຕາສະຖານະການນີ້ຢູ່ ໂດຍບັນຕົ້ນຕໍຂອງ ວິລລາ ແມ່ນມີງົບປະມານພໍຈະສູ້ຄ່າເມື່ອຍນັກເຕະໄດ້ຢູ່ ຂະນະທີ່ ບາເຊໂລນາ ບໍ່ມີບັນຫຍັງ ເພາະຢາກປ່ອຍນັກເຕະອອກຢູ່ແລ້ວ.

ແນວໃດກໍຕາມ ອາເຊນອລ ຍັງຕ້ອງພົບກັບຄູ່ແຂ່ງສຳຄັນອີກລາຍຄື ທັອດແນມ ຮັອດສະເປີ ທີ່ມີຂ່າວສົນໃຈຄູຕິນໂຢເຊັ່ນດຽວກັນ ໂດຍນັກເຕະອາຍຸ 29 ປີລົງຫລິ້ນໃຫ້ ວິລລາ ໄປແລ້ວ 9 ນັດ ຍິງໄດ້ 4 ປະຕູ ແລະ ຈ່າຍໃຫ້ຫມູ່ຍິງ (ແອສຊິສ ) ອີກ 3 ຄັ້ງ.