9 ອາການທີ່ບົ່ງບອກວ່າທ່ານກຳລັງຖືພາ
March 14, 2022 - 2:37 PM
- ປະຈຳເດືອນຂາດ : ປະຈຳເດືອນບໍ່ມາ ຖ້າປະຈຳເດືອນທີ່ເຄີຍມາເປັນປົກກະຕິຂາດຫາຍໄປ ລໍຖ້າເທົ່າໃດມື້ກໍບໍ່ມາຈັກເທື່ອ ສະແດງວ່າທ່ານອາດຈະກຳລັງຖືພາ ເພາະຫລັງຈາກການປະຕິສົນທິແລ້ວ ປະຈຳເດືອນຈະຂາດຫາຍໄປ ແນະນຳໃຫ້ໄປຊື້ເຄື່ອງກວດການຖືພາມາກວດໄດ້ເລີຍ.
- ປຸ້ນທ້ອງ – ວິນຫົວປວດຮາກ : ເປັນອາການທີ່ພົບຫລາຍຈົນເປັນສັນຍະລັກຂອງການຖືພາກໍວ່າໄດ້ ອາການປຸ້ນທ້ອງປວດຮາກມັກເກີດຂຶ້ນຫລັງຈາກທີ່ໂຕອ່ອນປະຕິສົນທິໄດ້ 1 ເດືອນ ແລະ ຫລຸດລົງເມື່ອເຂົ້າສູ່ໄລຍະ 3 ເດືອນຂຶ້ນໄປ, ແຕ່ນີ້ບໍ່ແມ່ນສູດຕາຍໂຕ ແມ່ມານບາງຄົນອາດມີອາການແພ້ທ້ອງໄວກ່ວາກຳນົດ ຂະນະທີ່ບາງຄົນໂຊກດີບໍ່ມີອາການແພ້ທ້ອງເລີຍ ຫລື ບໍ່ກໍໂຊກຮ້າຍແນ່ ແພ້ທ້ອງໄປຈົນເຖິງເດືອນສຸດທ້າຍກ່ອນເກີດລູກກໍມີ.
- ເໝັນນັ້ນເໝັນນີ້ : ຜົນຈາກຮໍໂມນເອສໂຕຣເຈັນທີ່ເພີ່ມຂຶ້ນ ທ່ານໃດທີ່ກຳລັງຖືພາ ອາດເຮັດໃຫ້ກາຍເປັນຄົນດັງໄວ ໄດ້ກິ່ນຫຍັງກໍພານເໝັນຈົນຢາກຈະຮາກໄປໝົດ ຕອນນີ້ແມ່ນແຕ່ອາການຈານມັກ, ໝາກມີ້, ໝາກຖົ່ວລຽນທີ່ກັກຕຸນໄວ້ໃນຕູ້ເຢັນ ຫລື ນຳ້ຫອມກິ່ນທີ່ເຄີຍມັກສີດ ກໍອາດບໍ່ສາມາດເຂົ້າໃກ້ໄດ້ອີກຕໍ່ໄປ.
- ເຕົ້ານົມບວມເບັງ ແລະ ເຈັບ : ທ່ານຈະຮູ້ສຶກເບັງ ແລະ ເຈັບເຕົ້ານົມ ເພາະມີເລືອດໄປລ້ຽງບໍລິເວນນັ້ນຫລາຍຂຶ້ນຈົນຮູ້ສຶກເຈັບ, ເບັງ ລວມເຖິງຮູ້ສຶກວ່າເຕົ້ານົມໄວຕໍ່ສຳຜັດຄ້າຍກັບອາການກ່ອນເປັນປະຈຳເດືອນ.
- ອິດເມື່ອຍອ່ອນເພຍ : ຮູ້ສຶກເມື່ອຍຫລາຍ ໂດຍທີ່ບໍ່ໄດ້ເຮັດຫຍັງເລີຍຫລືບໍ່ ຮູ້ສຶກງ່ວງນອນໝົດມື້ແມ່ນບໍ່ ນີ້ອາດເປັນຜົນຈາກລະດັບຮໍໂມນໂປຣເຈສເຕີໂຣນທີ່ເພີ່ມຂຶ້ນຢ່າງວ່ອງໄວກໍເປັນໄດ້, ແຕ່ບໍ່ຕ້ອງກັງວົນ ເມື່ອເຂົ້າສູ່ເດືອນທີ 3-4 ພະລັງຂອງທ່ານກໍຈະກັບຄືນມາ.
- ເລືອດອອກທາງຊ່ອງຄອດ : ໄລຍະທີ່ໂຕອ່ອນຝັງໂຕໃນມົດລູກ ແມ່ມານບາງທ່ານອາດມີເລືອດໄຫລອອກມາທາງຊ່ອງຄອດ ອາການນີ້ມັກເກີດຂຶ້ນຫລັງຈາກໂຕອ່ອນປະຕິສົນທິໄດ້ 11 – 12 ມື້ (ເວລາດຽວກັນກັບທີ່ທ່ານເລີ່ມສັງເກດວ່າປະຈຳເດືອນຂາດ) ເລືອດທີ່ໄຫລອອກມາມັກເປັນເລືອດຈາງສີແດງ ຫລື ສີບົວ ແລະ ຈະຢຸດໄຫລພາຍໃນ 1 – 2 ມື້. ແນວໃດກໍຕາມ, ຖ້າທ່ານຮູ້ໂຕວ່າຖືພາແລ້ວ ແລະ ພົບວ່າມີເລືອດໄຫລອອກມາທາງຊ່ອງຄອດຮ່ວມກັບອາການເຈັບທ້ອງ ຄວນຮີບໄປພົບທ່ານໝໍ ເພາະອາດເປັນສັນຍານຂອງອາການຖືພານອກມົດລູກ ຫລື ລູກນອກພົກໄດ້.
- ທ້ອງປ່ອງ – ທ້ອງປຸ້ງ : ຢ່າຟ້າວຕົກໃຈ ທ່ານຍັງບໍ່ໄດ້ເປັນແມ່ມານຕັ້ງແຕ່ 3 ເດືອນທຳອິດ ໜ້າທ້ອງທີ່ແປໆພຽງແຕ່ປ່ອງ ຫລື ສວດອອກມາໜ້ອຍໜຶ່ງ ຮູ້ສຶກວ່າໂສ້ງແອວຄັບຂຶ້ນມາໜ້ອຍໜຶ່ງ ເພາະມີແກ໊ສໃນກະເພາະອາຫານຫລາຍຂຶ້ນເທົ່ານັ້ນເອງ.
