ເຊກອງ ກຽມຫລາຍກິດຈະກຳ ສະຫລອງປີສາມັກຄີ ລາວ-ຫວຽດນາມ

ນັບແຕ່ຕົ້ນປີມານີ້, ທັງສູນກາງ ແລະ ແຂວງຕ່າງໆທົ່ວປະເທດ ໄດ້ກຽມຄວາມພ້ອມຮອບດ້ານເພື່ອເຮັດໃຫ້ປີສາມັກຄີ ລາວ-ຫວຽດນາມ ບັນລຸຕາມຄາດໝາຍ ແລະ ມີບັນຍາກາດຟົດຟື້ນ. ຂະນະທີ່ໃນສ່ວນຂອງແຂວງເຊກອງນັ້ນ ກໍໄດ້ກຽມຫລາຍກິດຈະກໍາເພື່ອສະຫລອງປີສຳຄັນນີ້ເປັນແຂວງໜຶ່ງທີ່ມີຊາຍແດນຕິດກັບ ສສ ຫວຽດນາມໂດຍສະເພາະແຂວງກວາງນາມທີ່ມີມູນເຊື້ອການຊ່ວຍເຫລືອເຊິ່ງກັນ ແລະ ກັນຕະຫລອດ ມາ. ເພື່ອສະເຫລີມສະຫລອງ ສອງວັນສໍາຄັນລະຫວ່າງ ສປປລາວ ແລະ ສສ ຫວຽດນາມ, ແຂວງເຊກອງ ໄດ້ກະກຽມຫລາຍກິດຈະກໍາ ເຊິ່ງສິ່ງທີ່ພິເສດໄດ້ມອບດິນໃຫ້ແຂວງກວາງນາມ ສ້າງເຂດພັດທະນາກະສິກໍາ ເພື່ອເປັນຕົວແບບໃຫ້ປະຊາຊົນໄດ້ຮຽນຮູ້ເຕັກນິກະສິກໍາທີ່ໄດ້ມາດຕະຖານຕື່ມອີກ.

ທ່ານ ເຫລັກໄຫລ ສີວິໄລ ເຈົ້າແຂວງໆເຊກອງໃຫ້ສຳພາດວ່າ: ເພື່ອສະຫລອງ 2 ວັນປະຫວັດສາດລາວ -ຫວຽດນາມ ປີ 2022 ຄື ວັນສ້າງຕັ້ງສາຍພົວພັນທາງການທູດຄົບຮອບ 60 ປີ ແລະ ວັນເຊັນສົນທິ ສັນ ຍາມິດຕະພາບ ແລະ ການຮ່ວມມືຄົບຮອບ 45 ປີ, ຄະນະພັກ, ອົງການປົກຄອງແຂວງພວກເຮົາໄດ້ກຽມ ຫລາຍກິດຈະກຳສຳຄັນ ເຊິ່ງໄລຍະຕົ້ນນີ້ໄດ້ແຕ່ງຕັ້ງຄະນະຮັບຜິດຊອບ ແລະ ສ້າງແຜນດໍາເນີນງານທີ່ອຳ ນວຍປະໂຫຍດໃຫ້ແກ່ການຮ່ວມມືກັບແຂວງແຮກສ່ຽວ ສສ ຫວຽດນາມ ໂດຍສະເພາະແຂວງກວາງນາມ ເປັນຕົ້ນກຽມຈັດຕັ້ງການພົບປະກັບນັກທຸລະກິດແຂວງກວາງນາມທີ່ລົງທຶນຢູ່ແຂວງ, ຈະສະໜອງທີ່ດິນໃຫ້ແຂວງກວາງນາມສ້າງເຂດພັດທະນາກະສິກໍາເພື່ອເປັນຕົວແບບໃຫ້ປະຊາຊົນໄດ້ຮຽນຮູ້ເຕັກນິກກະສິກໍາທີ່ໄດ້ມາດຕະຖານ, ຈັດພິທີປະດັບຫລຽນໄຊໃຫ້ບຸກຄົນ, ກົມກອງດີເດັ່ນຂອງແຂວງຮຽກສ່ຽວ, ການໂຮມຊຸມ ນຸມໃຫຍ່ຢູ່ແຂວງກວາງນາມ. ນອກນີ້ ຍັງນໍາພາອະດີດການນໍາແຂວງໄປທ່ອງທ່ຽວ, ກວດສຸຂະພາບ ແລະ ການສະແດງສິລະປະວັນນະຄະດີຕ່າງໆຂອງສອງແຂວງ.

ທ່ານ ເຫລັກໄຫລ ກ່າວຕື່ມວ່າ: ຊຸມປີຜ່ານມາ, ການຮ່ວມມືລະຫວ່າງ ສປປ ລາວ-ສສ ຫວຽດນາມ ໄດ້ຮັບໝາກຜົນຫລາຍດ້ານໂດຍສະເພາະການພັດທະນາພື້ນຖານໂຄງລ່າງການສຶກສາ, ກະສິກໍາ-ປ່າໄມ້, ສົ່ງເສີມການລົງທຶນ ເປັນຕົ້ນໂຄງການລົງທຶນຂອງກຸ່ມທະລະກິດ ຫວຽດເຟືອງທີ່ຢູ່ໃນໄລຍະກຽມຂຸດຄົ້ນແຮ່ບົກຊິດ, ເຂື່ອນໄຟຟ້າ 3 ໂຄງການມູນຄ່າເກືອບ 600 ລ້ານໂດລາ ພວມຟື້ນຟູ ແລະ ສ້ອມແປງ ຄິດວ່າໄຕມາດ 2 ຈະສາມາດເປີດນໍາໃຊ້ໄດ້ຢ່າງເປັນທາງການ. ສໍາລັບການຊ່ວຍເຫລືອລະຫວ່າງ 2 ແຂວງ, ສສ ຫວຽດນາມຊ່ວຍພັດທະນາຊັບພະຍາກອນມະນຸດ ໂດຍແຕ່ລະປີໃຫ້ທຶນໄປຮຽນຫລາຍສິບຄົນ, ຊ່ວຍກໍ່ສ້າງໂຮງຮຽນສອນພາສາຫວຽດນາມ, ກໍໍ່ສ້າງໂຮງຮຽນມິດຕະພາບ ແລະ ໂຮງຮຽນການເມືອງການປົກຄອງ, ພັດທະນາກະສິກໍາໂດຍການຊ່ວຍເຫລືອດ້ານເຕັກນິກ, ແນວພັນ ແລະ ອື່ນໆອີກຈໍານວນໜຶ່ງ, ມອບເຂົ້າ100 ໂຕນໃຫ້ປະຊາຊົນລຽບຕາມຊາຍແດນໂດຍສະເພາະເມືອງດາກຈຶງ ແລະ ພິເສດອັນໃຫຍ່ ໄດ້ຊ່ວຍກໍ່ສ້າງພື້ນຖານໂຄງລ່າງກະກຽມໃຫ້ແກ່ເປີດດ່ານສາກົນໂດຍສະເພາະອາຄານດ່ານສາກົນ ແລະ ເຮືອນພັກພະນັກງານ. ສ່ວນແຂວງພວກເຮົາ ກໍໄດ້ຊ່ວຍເຫລືອປະຊາຊົນຢູ່ແຂວງພາກກາງຫວຽດນາມທີ່ປະສົບໄພພິ ບັດ, ໄລຍະໂຄວິດ-19 ລະບາດ ກໍໄດ້ສົບທົບທຶນຈໍານວນໜຶ່ງໃຫ້ບັນດາແຂວງໃກ້ຄຽງໂດຍສະເພາະແຂວງກວາງນາມ ແຂວງສ່ຽວ, ນະຄອນດານັງ, ແຂວງເທີື່ຶທຽນເຫວ້ ແລະ ແຂວງກອນຕູມ, ແຂວງບິງດິງ ແລະ ຫລ້າສຸດກໍຊ່ວຍແຂວງກວາງນາມເພີ່ມອີກ 100 ລ້ານກີບ.