ວິກິດຫນັກ, ຮຸນໄດ ຢຸດຄວາມສຳພັນກັບ ເຊລຊີ ອີກລາຍ

ຮຸນໄດ ບໍລິສັດຜູ້ຜະລິດລົດຍົນໃຫຍ່ຂອງ ສ.ເກົາຫລີ ປະກາດຢຸດຄວາມສຳພັນກັບ ເຊລຊີ ສະໂມສອນດັງຂອງພຣີເມຍລີກ ຈົນກວ່າຈະມີການປ່ຽນແປງ ນັບແຕ່ເກີດບັນຫາຣັສເຊຍ ໂຈມຕີ ຢູເຄຣນ ເຊິ່ງຍັງບໍ່ມີທ່າທີວ່າຈະຢຸດລົງງ່າຍໆ.

ເຊລຊີ ຖືກມໍລະສຸມຢ່າງຕໍ່ເນື່ອງໃນຖານະທີມທີ່ມີ ໂຣມັນ ອະບຣາໂມວິດ ເປັນເຈົ້າຂອງ ເນື່ອງຈາກມະຫາເສດຖີຊາວຣັສເຊຍ ຖືກເບິ່ງວ່າມີສຳພັນທີ່ແຫນ້າແຟ້ນກັບ ວະລາດີເມຍ ປູຕິນ ຜູ້ນຳຂອງປະເທດເຊິ່ງອອກຄຳສັ່ງໂຈມຕີ ຢູເຄຣນ.

ພາຍຫລັງ ທຣີ ຜູ້ສະໜັບສະໜູນຫນ້າອົກເສື້ອຂອງ ເຊລຊີ ປະກາດຢຸດຄວາມສຳພັນໄປກ່ອນຫນ້ານີ້ ຈົນກວ່າຈະມີການປ່ຽນແປງ.

ກ່ອນຫນ້ານີ້ ລັດຖະບານອັງກິດອອກຄຳສັ່ງຫ້າມ ເຊລຊີ ຂາຍບັດເຂົ້າຊົມເກມ ແລະຫ້າມເປີດຮ້ານຂາຍສິນຄ້າມາແລ້ວເພື່ອພະຍາຍາມປິດກັ້ນການເພີ່ມລາຍໄດ້ເຂົ້າກະເປົາຂອງ ອະບຣາໂມວິດ ເຊິ່ງຖືກລະຸບວ່າເປັນທໍ່ນ້ຳລ້ຽງໃຫ້ກັບການເຮັດສົງຄາມ ຈົນກ່ອນຫນ້າທີ່ ຮຸນໄດ ຈະຖະແຫລງຢຸດຄວາມສຳພັນກັບສະໂມສອນ ອະບຣາໂມວິດ ກໍຖືກພຣີເມຍລີກ ປະກາດປົດອອກຈາກການເປັນຜູ້ອຳນວຍການສະໂມສອນໃນມື້ດຽວກັນນຳອີກ.

‘‘ ຮຸນໄດ ນັບເປັນຫນຶ່ງໃນຄູ່ທຸລະກິດທີ່ແຂງແຮງຂອງບານເຕະມາດົນຫລາຍປີ ແລະ ບໍລິສັດຂອງເຮົາສະຫນັບສະໜູນກິລາໂດຍດີຕະຫລອດມາ ’’.

‘‘ ຕະຫລອດໄລຍະເວລາການເປັນຄູ່ທຸລະກິດກັບສະໂມສອນບານເຕະ ເຊລຊີ ເຮົາພູມໃຈທີ່ໄດ້ສະໜັບສະໜູນນັກເຕະ ແຟນບານ ແລະ ຮາກຖານຂອງບານເຕະ ’’.