ແຟນລີເວີພູລຊ໊ອກ ‘‘ ຊາລາ ’’ ກຽມອຳລາ, ເຫຼືອ 1 ເງື່ອນໄຂເພື່ອຢູ່ຕໍ່

ຟາບຣີຊີໂອ ໂຣມາໂນ ນັກຂ່າວຊື່ດັງ ອອກມາລາຍງານຄວາມເຄື່ອນໄຫວຂອງ ໂມຮາເຫມັດ ຊາລາ ຈອມຖະຫລົ່ມປະຕູຂອງລີເວີພູລ ກ່ຽວກັບເລື່ອງສັນຍາສະບັບໃຫມ່.

• ຊາລາ ຕ້ອງການຢູ່ກັບ ລີເວີພູລ ຕໍ່ໄປ ແຕ່ບໍ່ຍອມຮັບຂໍ້ສະເຫນີປັດຈຸບັນທີ່ຢູ່ເຈລະຈາເພື່ອຂະຫຍາຍສັນຍາ.
• ການພົບກັບຕົວແທນຂອງລາວ ຣາມີ ອັບບາສ ຄັ້ງຫລ້າສຸດຄືໃນເດືອນທັນວາ ຈາກນັ້ນການເຈລະຈາກໍຫລົ່ມ ຍັງບໍ່ມີຄວາມຫນ້າໃດໆເພີ່ມຕື່ມ.
• ຕ້ອງມາຖ້າເບິ່ງກັນວ່າ ລີເວີພູລ ຈະຍອມເພີ່ມຄ່າເມື່ອຍໃຫ້ ຊາລາ ຫລື ບໍ່ ເພາະຖ້າບໍ່ດັ່ງນັ້ນ ພວກເຂົາຕ້ອງພົບຄວາມສ່ຽງທີ່ຈະເສຍ ຊາລາ ອອກຈາກທີມໃນອີກບໍ່ເທົ່າໃດເດືອນຫນ້າ ຫລື ປີຫນ້າ.
• ຊາລາ ເປັນມືອາຊີບມາໂດຍຕະຫລອດ ແລະ ເລື່ອງການຕໍ່ສັນຍານີ້ກໍບໍ່ໄດ້ສົ່ງຜົນກະທົບຕໍ່ຜົນງານຂອງລາວ ແຕ່ຕອນນີ້ມັນຂຶ້ນຢູ່ກັບລີເວີພູລແລ້ວ.
• ຊາລາ ຮັກພຣີເມຍລີກ ແລະ ລາວໃຫ້ຄວາມສຳຄັນກັບການຢູ່ລີເວີພູລ ລາວເຫລືອສັນຍາເຖິງທ້າຍເດືອນມິຖຸນາ 2023 ຫລັງຈາກນັ້ນ ຈະສາມາດຍ້າຍທີມໄດ້ແບບບໍ່ມີຄ່າຕົວ.