ແມນຢູ ເອົາແທ້, ເລັງເປົ້າຄວ້າ ເລວານດອບສະກີ ຮ່ວມທີມລະດູການນີ້

ສື່ເຢຍລະມັນ ລາຍງານວ່າ : ແມນເຊສເຕີ ຢູໄນເຕັດ ສົນໃຈຄວ້າ ໂຣເບີດ ເລວານດອບສະກີ ກອງຫນ້າຫນ້າ ບາເຢິນ ມິວນິກ ມາຮ່ວມທີມໃນຕະຫລາດນັກເຕະລະດູການນີ້ ຫາກນັກເຕະປະຕິເສດຕໍ່ສັນຍາໃຫມ່ກັບ ບາເຢິນ ມິວນິກ.

ສຳລັບ ເລວານດອບສະກີ ພວມຈະຫມົດສັນຍາກັບ ບາເຢິນ ໃນປີ 2023 ແຕ່ຍັງບໍ່ທັນມີການເຈລະຈາເລື່ອງຂະຫຍາຍສັນຍາໃຫມ່ແຕ່ຢ່າງໃດ ທ່າມກາງຂ່າວລືວ່າ ດາວຍິງອາຍຸ 33 ປີ ຕ້ອງຍ້າຍສັງກັດເພື່ອຄວາມທ້າທາຍໃຫມ່ໆໃນອາຊີບນັກເຕະ.

ຈາກສະຖານະການປັດຈຸບັນເຮັດໃຫ້ມີຂ່າວວ່າຫລາຍທີມດັງຢູໂຣບຢາກໄດ້ຕົວນັກເຕະມາເສີມທີມ ບໍ່ວ່າຈະເປັນ ແມນເຊສເຕີ ຊິຕີ, ແມນເຊສເຕີ ຢູໄນເຕັດ ລວມເຖິງ ປາຣີສ ແຊັງ ແຊັກແມັງ.

ຈົນຫລ້າສຸດ ຄຣິສຕຽນ ຟອກ ນັກຂ່າວຊື່ດັງຂອງ ບິລ ສື່ໃນເຢຍລະມັນ ເປີດເຜີຍວ່າ : ແມນເຊສຕີ ຢູໄນເຕັດ ສົນໃຈໃນຕົວຂອງດາວຍິງທີມຊາດໂປແລນແທ້ໆ ແລະ ພ້ອມເດີນຫນ້າເຈລະຈາຫາກຕໍ່ສັນຍາຂອງ ເລວານດອບສະກີ ກັບ ບາເຢິນ ບໍ່ສຳເລັດ.

ສຳລັບ ເລວານດອບສະກີ ສ້າງຜົນງານໄດ້ຫນ້າປະທັບໃຈໃນລະດູການນີ້ ຫລັງຍງໄປແລ້ວ 42 ປະຕູຈາກການລົງສະຫນາມ 35 ນັດທຸກລາຍການ