ລັດຖະມົນຕີຕ່າງປະເທດ ຣັດເຊຍ ຊີ້ແຈງບັນຫາຢູເຄຣນ

ວັນທີ 3 ມີນາ 2022, ທ່ານ ເຊເກ ລາວະລົບ ລັດຖະມົນຕີຕ່າງປະເທດຣັດເຊຍໃຫ້ສຳພາດສຳນັກຂ່າວ ຕ່າງປະເທດຕໍ່ບັນຫາຢູເຄຣນ ໂດຍ ຣັດເຊຍ ເຊື່ອໝັ້ນວ່າ: ສະຖານະການ ອູແກຣນ ຈະໄດ້ຮັບການແກ້ໄຂ ເຊິ່ງເງື່ອນໄຂຕ່າງໆ ແລະ ວິທີການແກ້ໄຂບັນຫາຈະຖືກເປີດເຜີຍ. ມົດສະກູ ພ້ອມຈະເຈລະຈາກັບ ກີແອບ, ແຕ່ຈະສືບຕໍ່ປະຕິບັດການພິເສດທາງທະຫານ ເພາະບໍ່ສາມາດປ່ອຍໃຫ້ ຢູເຄຣນ ຮັກສາພື້ນຖານໂຄງລ່າງທາງທະຫານທີ່ເປັນໄພຂົ່ມຂູ່ຕໍ່ຣັດເຊຍ.

ການປົດອາວຸດຂອງຢູເຄຣນນັ້ນ, ຣັດເຊຍ ຈະເຮັດໃຫ້ສໍາເລັດ ເຖິງວ່າ ຣັດເຊຍ ແລະ ຢູເຄຣນ ຈະລົງນາມໃນສັນຍາສັນຕິພາບນໍາກັນໃນອະນາຄົດກໍຕາມ ຊຶ່ງໃນຂໍ້ຕົກລົງປົດອາວຸດອູຸແກຣນນັ້ນ ຈະຕ້ອງບັນຈຸເປັນວັກໜຶ່ງກ່ຽວກັບຄວາມເປັນກາງ ແລະ ປອດອາວຸດ ເຂົ້າໃນສັນຍາສັນຕິພາບດັ່ງກ່າວ. ຣັດເຊຍ ເຊື່ອວ່າ ເປັນການຕັດສິນໃຈທີ່ຖືກຕ້ອງໃນການປະຕິບັດການພິ ເສດທາງທະຫານ ແລະ ການເຈລະຈາທີ່ພວມດຳເນີນລະຫວ່າງ ຣັດເຊຍ ແລະ ຢູເຄຣນ ເຖິງວ່າ ຈະຖືກຝ່າຍຢູເຄຣນ ພະຍາຍາມເລື່ອນຫລາຍເທື່ອຍ້ອນຮັບຂໍ້ສະເໜີຂອງຣັດເຊຍບໍ່ໄດ້ກໍ່ຕາມ.

ສຳລັບການພົວພັນ ລະຫວ່າງ ຣັດເຊຍ ກັບ ຝ່າຍຕາເວັນຕົກນັ້ນ, ຣັດເຊຍ ເຊື່ອວ່າ ຄວາມວິຕົກກັງວົນຈະສູນຫາຍໄປຈາກຄູ່ຮ່ວມມືຕາເວັນຕົກໃນມື້ໃດໜຶ່ງ. ຣັດເຊຍ ກຽມພ້ອມສະເໝີໃນການປຶກສາຫາລືທຸກໆເງື່ອນໄຂ ໂດຍອີງໃສ່ຄວາມສະເໝີພາບ ແລະ ການເຄົາລົບຜົນປະໂຫຍດຂອງກັນ ແລະ ກັນກັບປະເທດຕາເວັນຕົກ.

ການຂວໍ້າບາດຣັດເຊຍ ໃນປັດຈຸບັນແມ່ນການໃຊ້ຄວາມໄດ້ປຽບບາງປະເພດຂອງພາສີ ທີ່ມີຄວາມເປັນເອກະລາດ ແລະ ບັນດາບໍລິສັດສ່ວນໃຫຍ່ທີ່ລົງທຶນໃນຣັດເຊຍ ລ້ວນແຕ່ເປັນບໍລິສັດຂອງປະ ເທດຕາເວັນຕົກ ແລະ ພວກເຂົາພວມຢູ່ໃນພາວະຄວາມກົດດັນອັນໃຫຍ່ຫລວງ. ການກະທໍາຂອງຕາເວັນ ຕົກດັ່ງກ່າວນັ້ນ ຖືວ່າເປັນການຕັດສິນໃຈຜິດ ແລະ ເປັນການຄາດຫວັງຜິດເນື່ອງຈາກ ຝ່າຍຕາເວັນຕົກ ບໍ່ເຄີຍຈົດຈໍາປະຫວັດສາດຜ່ານມາວ່າ ຣັດເຊຍ ເຄີຍຖືກຂວໍ້າບາດມານັບຮ້ອຍເທື່ອ ແລະ ສິ່ງທີ່ຣັດເຊຍ ຢືນ ຢັນມາຕະຫລອດຄືການບໍ່ສ້າງຂໍ້ຕົກລົງໃດໆກັບຕາເວັນຕົກພາຍໃຕ້ພາວະຄວາມກົດດັນ. ກຸ່ມຕາເວັນຕົກ ບໍ່ສາມາດຕັດສິນໃຈວ່າ ຣັດເຊຍ ຕ້ອງການຫຍັງເພື່ອຮັບປະກັນຄວາມປອດໄພ.

ເຖິງວ່າຝ່າຍຕາເວັນຕົກຈະປະກາດແນວໃດກໍ່ຕາມຕໍ່ກໍລະນີ ການເຂົ້າເປັນສະມາຊິກຂອງອົງການນາໂຕຂອງ ຢູເຄຣນ ຫລື ປະເທດ ອື່ນໆ ທີ່ບໍ່ແມ່ນສ່ວນໜຶ່ງຂອງພັນທະມິດໃນປັດຈຸບັນ, ຈະບໍ່ເປັນໄພຂົ່ມຂູ່ຕໍ່ຄວາມໝັນຄົງຂອງຣັດເຊຍ ເຊິ່ງເປັນບັນຫາທີ່ປະເທດຕາເວັນຕົກບໍ່ຄວນເປັນຝ່າຍຕັດສິນໃຈວ່າຣັດເຊຍຕ້ອງການຫຍັງເພື່ອຮັບປະກັນຄວາມປອດໄພຂອງຣັດເຊຍເອງ. ຣັດເຊຍ ຕ້ອງການໃຫ້ຕາເວັນຕົກ ຮັບຟັງຂໍ້ສະເໜີ 3 ຂໍ້ຂອງຣັດເຊຍໃນການຮັບປະກັນຄວາມໝັ້ນຄົງຂອງຣັດເຊຍ. ປັດຈຸບັນ ເອີຣົບຕາເວັນຕົກ ໄດ້ຖືກຄອບງໍາໂດຍອາເມລິກາ ເຊິ່ງເປັນທີ່ແນ່ນອນວ່າ ທັງນາໂຕ ແລະ ອີຢູ ຮູ້ສະຖານະຂອງຕົນ ແລະ ບໍ່ມີຂໍ້ໂຕ້ແຍ້ງຕໍ່ອາເມລິກາ.

ອາເມຣິກາ ໄດ້ຕຳໜິຕິຕຽນລັດອື່ນຢ່າງເປີດເຜີຍ ເພື່ອບັນລຸເປົ້າໝາຍທີ່ຕົນຕ້ອງການການລົງຄະແນນສຽງຂອງອົງ ການສະຫະປະຊາຊາດ. ຣັດເຊຍ ຮູ້ດີວິທີການທີ່ເພື່ອນຮ່ວມງານຕາເວັນຕົກ ໃຊ້ເພື່ອບັນລຸຜົນໄດ້ຮັບເຫລົ່ານີ້ ເຊັ່ນ: ການ blackmail ທາງກົງ ແລະ ທາງອ້ອມ.
ຕໍ່ບັນຫາສົງຄາມນິວເຄລຍ, ທ່ານ ເຊເກ ລາວະລົບ ໄດ້ຕອບຄໍາຖາມນັກຂ່າວກ່ຽວກັບຄວາມເຂົ້າໃຈຂອງທຸກຝ່າຍທີ່ວ່າໂອກາດເກີດສົງຄາມໂລກຄັ້ງທີ III ອາດເປັນໄປໄດ້, ແຕ່ຈະເປັນສົງຄາມນິວເຄລຍນັ້ນ ເຫັນວ່າເປັນແນວຄິດຂອງນັກການເມືອງຕາເວັນຕົກ, ແຕ່ບໍ່ໄດ້ຢູ່ໃນຫົວຂອງນັກການເມືອງຣັດເຊຍ. ມັນແມ່ນຄວາມພະຍາຍາມເວົ້າຂອງປະເທດຕາເວັນຕົກກ່ຽວກັບການປະຕິບັດ ແລະ ການນໍາໃຊ້ອາວຸດນິວເຄລຍ ໂດຍສະເພາະການຖະແຫລງຂ່າວຢ່າງລຽນຕິດຂອງທ່ານ Jens Stoltenberg ເລຂາທິການໃຫຍ່ນາໂຕ ແລະ ທ່ານ Jean-Yves Le Drian ລັດຖະມົນຕີການຕ່າງປະເທດຝຣັ່ງ.