ສະຖິຕິອັນຕົກຕ່ຳໃນອາຊີບຂອງ ເມສຊີ ຫລັງຍ້າຍມາຢູ່ກັບ ເປແອສເຊ

ພາຍຫລັງຈາກເກມທີ່ ເຣອັນ ມາດຣິດ ແຜງລິດເປີດບ້ານເອົາຊະນະ ປາຣີສ ແຊັງ ແຊັກແມັງ ໄປດ້ວຍປະຕູ 3-1 ສົ່ງຜົນໃຫ້ປະຕູລວມ 2 ນັດ ຜ່ານເຂົ້າສູ່ຮອບ 8 ທີມສຸດທ້າຍໃນ ຢູຟາ ແຊ໊ມປຽນລີກ ໄປດ້ວຍປະຕູລວມ 3-2.

‘‘Sun Sport’’ ສື່ກິລາຊື່ດັງຂອງອັງກິດ ອອກມາລາຍງານ 1 ສະຖິຕິທີ່ຫນ້າຕົກໃຈທີ່ບໍ່ຄິດວ່າຈະເກີດຂຶ້ນກັບຊາຍທີ່ຊື່ວ່າ ລີໂອເນລ ເມສຊີ ຊຸບເປີສະຕາເຈົ້າຂອງບັນລົງດໍ 7 ສະໄຫມ ກັບບໍ່ສາມາດທີ່ຈະຍິງປະຕູ ຫລື ຈ່າຍບານໃຫ້ຫມູ່ຍິງໄດ້ແມ່ນແຕ່ຫນ່ວຍດຽວ ຕະຫລອດ 9 ເກມຫລັງສຸດທີ່ລາວລົງສະຫນາມພົບກັບ ເຣອັນ ມາດຣິດ.

ເຊິ່ງປະຕູສຸດທ້າຍທີ່ສາມາດຍິງໄດ້ໃນການພົບກັບ ເຣອັນ ມາດຣິດ ຕ້ອງຢ້ອນໄປໄກເຖິງປີ 2018 ໃນເກມທີ່ສະເຫມີກັນ 2-2 ສະໄຫມຍັງຫລິ້ນໃຫ້ກັບບາເຊໂລນາ ໂດຍຕະຫລອດອາຊີບຂອງລາວທີ່ຍິງປະຕູໃສ່ ເຣອັນ ມາດຣິດ ໄປທັງຫມົດ 26 ປະຕູ ກັບອີກ 14 ແອສຊິສ ໃນທຸກລາຍການ.

ຄວາມປະລາໄຊຂອງ PSG ໃນເກມນີ້ສົ່ງຜົນໃຫ້ທີມທີ່ມີດາວດັງຢ່າງ ເນມາ, ຄີລຽນ ເອັມບັບເປ ແລະ ລີໂອເນລ ເມສຊີ 3 ປະສານໃນແດນຫນ້າຕ້ອງຕົກຮອບໄປແບບສຸດຊັອກ ແລະ ສົ່ງຜົນໃຫ້ອະນາຄົດການຄຸມທີມຂອງ ເມົາຣີຊີໂອ ໂປເຊັດຕີໂນ ເລີ່ມມີໂອກາດຈະບໍ່ໄດ້ຄຸມທີມຕໍ່ໃນລະດູການຫນ້າ.