ຟີຟາ ອະນຸມັດ ນັກເຕະ-ຜູ້ຈັດການທີມຕ່າງຊາດໃນຣັສເຊຍ ແລະ ຢູເຄຣນ ຢຸດສັນຍາໄປຫາກິນປະເທດອື່ນໄດ້

ຟີຟາໄຟຂຽວໃຫ້ນັກເຕະ-ຜູ້ຈັດການທີມຕ່າງຊາດທີ່ເຮັດວຽກໃນຣັສເຊຍ ແລະ ຢູເຄຣນ ຢຸດສັນຍາກັບຕົ້ນສັງກັດຊົ່ວຄາວ ແລ້ຍວຍ້າຍໄປຢູ່ກັບສະໂມສອນໃນປະເທດອື່ນໄດ້.

ເວລານີ້ເກີດວິກິດການທີ່ສືບເນື່ອງມາຈາກກໍລະນີພິພາດອັນຍາວນານລະຫວ່າງຣັສເຊຍ-ຢູເຄຣນ ຈົນກວ່າ ວະລາດີເມຍ ປູຕິນ ປະທານາທິບໍດີຣັສເຊຍ ສັ່ງເກີດສາກໂຈມຕີໄລ່ຢູເຄຣນຢ່າງຕໍ່ເນື່ອງ ທ່າມກາງກະແສຕໍ່ຕ້ານຈາກສັງຄົມໂລກ.

ກ່ອນຫນ້ານີ້ ຟີຟາ ຮ່ວມກັບສະຫະພັນບານເຕະຢູໂຣບ (ຢູຟາ) ອອກຄຳສັ່ງຫ້າມທັງທີມຊາດ ແລະ ສະໂມສອນຈາກຣັສເຊຍບໍ່ໃຫ້ແຂ່ງຂັນ ຂະນະທີ່ຢູເຄຣນເອງກໍບໍ່ພ້ອມຈະດຳເນີນລີກຂອງຕົນເອງຕໍ່ ເພາະແມ່ນແຕ່ຕົວນັກເຕະ ແລະ ຜູ້ຝຶກສອນຫລາຍຄົນກໍເຂົົ້າຮ່ວມກອງທະຫານເພື່ອຊ່ວຍປົກປ້ອງບ້ານເກີດແລ້ວ.

ຫລ້າສຸດ ຟີຟາ ຖະແຫລ່ງການວ່າ : ‘‘ ຫລັງການຫາລືກັບຜູ້ມີສ່ວນກ່ຽວຂ້ອງໃນດ້ານຕ່າງໆ ສະພາຟີຟາຈຶ່ງຕັດສິນໃຈຮ່ວມກັບຢູຟາວ່າໃຫ້ແກ້ໄຂຂໍ້ບັງຄັບກ່ຽວກັບສະຖານະການ ແລະ ການໂອນຍ້າຍເພື່ອໃຫ້ຜູ້ຫລິ້ນ ແລະ ຜູ້ຝຶກສອນມີໂອກາດເຮັດວຽກ ແລະ ສ້າງງລາຍໄດ້ ລວມເຖິງເປັນການປົກປ້ອງສະໂມສອນຢູເຄຣນນຳອີກ ’’.

‘‘ ນັກເຕະ ແລະ ຄູຝຶກສອນຕ່າງຊາດມີສິດລະງັບສັນຍາກັບສະໂມສອນທີ່ກ່ຽວຂ້ອງໄດ້ຈົນກວ່າຈະຈົບລະດູການ ປັດຈຸບັນຂອງຣັສເຊຍ ແລະ ຢູເຄຣນວັນທີ 30 ມິຖຸນາ ເຊິ່ງທຸກຄົນຈະຖືວ່າເປັນບຸກຄົນບໍ່ມີສັນຍາຜູກມັດຊົ່ວຄາວ ແລະ ຍ້າຍໄປຢູ່ສະໂມສອນອື່ນໄດ້ໂດຍບໍ່ມີຂໍ້ອ້າງໃດໆ ’’.

ແນວໃດກໍຕາມ ສະຫະພັນສະມາຄົມນັກເຕະບານອາຊີບນາໆຊາດ (FIFPRO) ອອກຖະແຫລງການຕາມມາວ່າ ບໍ່ເຫັນດີກັບມາດຕະການດັ່ງກ່າວຂອງຟີຟາ ຊີ້ແຈງວ່າຄວນຈະໃຫ້ນັກເຕະ ແລະ ຄູຝຶກສອນສາມາດຍົກເລີກສັນຍາແບບຖາວອນໄດ້ເລີຍ.

ຖະແຫລງການລບຸວ່າ : ‘‘ ການອະນຸຍາດພຽງໃຫ້ບຸກຄົນຕ່າງຊາດລະງັບສັນຍານັ້ນເປັນສິ່ງທີ່ບໍ່ດີ ເປັນເລື່ອງຍາກທີ່ພວກເຂົາຈະຫາວຽກເຮັດກັບຊ່ວງເວລາທີ່ເຫລືອຂອງລະດູການ ທ່າມກາງຄວາມບໍ່ແນ່ນອນທີ່ພວກເຂົາຕ້ອງຜະເຊີນ ທຸກຄົນສົມຄວນໄດ້ຮັບອະນຸຍາດໃຫ້ຍົກເລີກສັນຍາແບບຖາວອນ ’’.