ສິນຄ້າລາວ ທີ່ຈະສົ່ງໄປປະເທດກູເວດຕ້ອງໄດ້ຮັບຮອງຈາກສະຖານທູດກູເວດ ປະຈຳລາວ

ເມື່ອບໍ່ດົນມານີ້, ສະຖານທູດກູເວດ ປະຈໍາ ສປປ ລາວ ໂດຍການປະສານງານຜ່ານກະຊວງການຕ່າງ ປະເທດ ແຫ່ງ ສປປ ລາວ (ກົມກົງສູນ) ໄດ້ອອກແຈ້ງການກ່ຽວກັບຜະລິດຕະພັນ ຫລື ສິນຄ້າຂອງລາວ ທີ່ຈະສົ່ງອອກໄປປະເທດກູເວດ ເປັນຕົ້ນ ການຂົນສົ່ງໂດຍຜ່ານສາຍການບິນ, ລົດໄຟລາວ-ຈີນ ຫລື ຜ່ານດ່ານຊາຍແດນທາງບົກ ຕ້ອງໄດ້ຜ່ານການຮັບຮອງຢ່າງເປັນທາງການຈາກສະຖານທູດກູເວດປະຈໍາ ສປປ ລາວ ທີ່ນະຄອນຫລວງວຽງຈັນ ກ່ອນ.

ສຳລັບບັນດາດ່ານຊາຍແດນທີ່ສົ່ງສິນຄ້າອອກໄປປະເທດກູເວດ ມີ ສະໜາມບິນສາກົນແຫ່ງ ສປປ ລາວ, ດ່ານຊາຍແດນລາວ-ຈີນ, ດ່ານຊາຍແດນ ລາວ-ຫວຽດນາມ, ດ່ານຊາຍແດນ ລາວ-ກໍາປູເຈຍ, ດ່ານຊາຍ ແດນ ລາວ-ໄທ ແລະ ດ່ານຊາຍແດນ ລາວ-ມຽນມາ.