ສູນການຄ້າວຽງຈັນເຊັນເຕີສະຫລອງຄົບຮອບ 2 ປີ

   ໃນວັນທີ 26 ມີນານີ້, ບໍລິສັດພັດທະນາເສດຖະກິດຄົບວົງຈອນໜອງຈັນຕອນເໜືອຈໍາກັດ, ຊຶ່ງເປັນເຈົ້າຂອງສູນການຄ້າວຽງຈັນເຊັນເຕີ, ນະຄອນຫລວງວຽງຈັນ, ໄດ້ຈັດງານສະເຫລີມສະ ຫລອງວັນສ້າງຕັ້ງສູນການຄ້າດັ່ງກ່າວຄົບຮອບ 2 ປີ, ພາຍຫລັງເລີ່ມເປີດໃຫ້ບໍລິການມວນຊົນນັບແຕ່ວັນທີ 28 ມີນາ 2015 ເປັນຕົ້ນມາ, ຊຶ່ງເປັນສູນການຄ້າທີ່ສາມາດຕອບສະໜອງຄວາມຕ້ອງການຂອງສັງຄົມໃນດ້ານບໍລິການ, ຄວາມບັນເທິງ, ສີນຄ້າອຸປະໂພກ-ບໍລິໂພກທີ່ຫລາກຫລາຍ, ພາຍໃນງານຄັ້ງນີ້ໄດ້ຈັດໃຫ້ມີລາຍການສົ່ງເສີມການຂາຍສີນຄ້າທີ່ໜ້າຕື່ນເຕັ້ນຄື: ມີສ່ວນຫລຸດລາຄາພິເສດຫລາຍເຖິງ 80%, ຊື້ 1 ແຖມ 1. ນອກຈາກນີ້ຍັງມີຍ່າງສະແດງເຄື່ອງນຸ່ງ, ສະແດງຮ້ອງເພງຈາກສີລະປີນທີ່ມີຊື່ສຽງຈາກພາຍໃນ ແລະ ຕ່າງປະເທດ.

ເຂົ້າຮ່ວມງານຄັ້ງນີ້, ມີທ່ານ ລີສຽວຕົງ ອໍານວຍການໃຫຍ່ບໍລິສັດພັດທະນາສູນເສດຖະກິດການຄ້າຄົບວົງຈອນໜອງຈັນຕອນເໜືອຈໍາກັດ, ພ້ອມດ້ວຍແຂກຖືກເຊີນ ແລະ ມວນຊົນເຂົ້າຮ່ວມຢ່າງຫລວງຫລາຍ.