ພຣີເມຍລີກກຽມຍົກເລີກສັນຍາຖ່າຍທອດສົດກັບສື່ໂທລະພາບໃນຣັດເຊຍ
ພຣີເມຍລີກ ກຽມຈັດກອງປະຊຸມດ່ວນຄັ້ງສຸດທ້າຍເພື່ອຍົກເລີກສັນຍາການຖ່າຍທອດສົດແຂ່ງຂັນບານເຕະລີກຊັ້ນນໍາຂອງໂລກ ຢູ່ໃນແຜ່ນດິນຣັດເຊຍທັງຫມົດ
ວັນເສົາທີ 5 ມີນາ 2022 ເດລີ ເມລ ສື່ກິລາທີ່ມີຊື່ສຽງຂອງອັງກິດລາຍງານວ່າ ພຣີເມຍລີກ ລີກບານເຕະອັນດັບຕົ້ນໆຂອງໂລກມີແຜນຈະຍົກເລີກສັນຍາລິຂະສິດອອກອາກາດທັງໝົດກັບຊ່ອງໂທລະພາບຣັດເຊຍ ຫຼັງຈາກສົງຄາມໃນ ຢູເຄຣນ ໃນເວລານີ້
ເຊິ່ງສັນຍາສະບັບໃໝ່ທີ່ໄດ້ມີການຕໍ່ກັນໄປກ່ອນໜ້ານີ້ ເຊິ່ງຍາວເຖິງ 6 ປີ ພ້ອມລາຍຮັບເຂົ້າລີກອັງກິດເພີ່ມອີກປີລະ 41 ລ້ານປອນຕໍ່ປີ ຫຼື ປະມານ 1.7 ຕື້ບາດ ທີ່ຈະເລີ່ມໃຊ້ໃນລະດູການໜ້າ. ທາງຄະນະກໍາມະການຂອງ ພຣີເມຍລີກ ກໍາລັງປຶກສາຫາລືເພື່ອຍົກເລີກສັນຍາສະບັບນີ້ຈາກການທີ່ ວະລາດິເມຍ ປູຕີນ ປະທານາທິບໍດີຣັດເຊຍ ໄດ້ອອກຄຳສັ່ງເດີນຂະບວນກອງທັບເຂົ້າໄປໃນຢູເຄຣນ ອາທິດທີ່ແລ້ວ
ໂດຍ ຣິຊາສ ມາສເຕີ ຫົວຫນ້າບໍລິຫານຂອງ ພຣີເມຍລີກ ອອກມາເປີດເຜີຍວ່າ “ສັນຍາການຖ່າຍທອດສົດຢູ່ຣັດເຊຍ ພວມໄດ້ຮັບການປຶກສາຫາລືຢ່າງໜັກໜ່ວງ ແລະ ພວກເຮົາອາດຈະຍົກເລີກມັນໃນໄວໆນີ້, ສະຖານະການຂອງໂລກໄດ້ປ່ຽນແປງຢ່າງໄວວາ.”
ເຊິ່ງກ່ອນໜ້ານີ້ ການແຂ່ງຂັນ Formula One World Championship, ຫຼື Formula One, ແມ່ນຫນຶ່ງໃນອົງການຈັດຕັ້ງກິລາທໍາອິດຂອງໂລກໄດ້ປະກາດການຍົກເລີກສັນຍາຈັດຕັ້ງການແຂ່ງຂັນຢູ່ໃນແຜ່ນດິນຣັດເຊຍ ທັງໃນລະດູການທີ່ຈະມາເຖິງ ແລະອະນາຄົດ ຈົນກ່ວາສະຖານະການສົງຄາມດີຂຶ້ນ.
