ລາງບໍ່ດີ ໂຄ໋ດ ປາກ ຕິດໂຄວິດ ກ່ອນນຳຫວຽດນາມໜີທ້າຍກຸ່ມ

ການແຂ່ງຂັນບານເຕະໂລກ 2022 ຮອບຄັດເລືອກ ໂຊນເອເຊຍ ຮອບ 12 ທີມສຸດທ້າຍ ກຸ່ມ ບີ ເຫຼືອການແຂ່ງຂັນ 2 ນັດສຸດທ້າຍໂດຍ ຫວຽດນາມ ທີ່ຫາກໍ່ຊະນະນັດທໍາອິດໃນຮອບນີ້ ເອົາຊະນະ ຈີນ 3-1 ແລະ ມີ 3 ຄະແນນ ກຳລັງຕ້ອງການ​ໜີ​ອັນ​ດັບ​ທີ 6 ​ເຊິ່ງ​ເປັນ​ອັນດັບທ້າຍສຸດ​ຂອງ​ກຸ່ມ ເນື່ອງຈາກ​ມີ​ຄະ​ແນນ​ຕາມ​ຫຼັງ​ຈີນອັນ​ດັບ​ທີ 5 ຢູ່ 2 ຄະແນນ

ເຊິ່ງນັດຕໍ່ໄປ ຫວຽດນາມ ຈະເປີດບ້ານພົບກັບ ໂອມານ ອັນດັບ 4 ຂອງກຸ່ມ ມີ 8 ຄະແນນ, ວັນທີ 24 ມີນາ ແລະ ວັນທີ 29 ມີນາ ຈະບຸກໄປຢາມ ຍີ່ປຸ່ນແນວໃດກໍ່ຕາມ

ຢ່າງໃດກໍ່ຕາມ ມີລາຍງານຈາກສື່ຫວຽດນາມວ່າ ປາກ ຮັງ ຊໍ ຫົວໜ້າຄູຝຶກທີມຊາດຫວຽດນາມຊຸດໃຫຍ່ມີຜົນກວດໂຄວິດ-19 ເປັນບວກ ແຕ່ຄູຝຶກຊາວເກົາຫຼີໃຕ້ບໍ່ມີອາການໃດໆເນື່ອງຈາກສັກຢາວັກຊີນຄົບແລ້ວ ແລະ ທີ່ຜ່ານມາຍັງເຮັດວຽກສັ່ງງານທາງອອນໄລນ໌ອີກດ້ວຍ.