ສື່ໝັ້ນໃຈ ແມນຢູ ເລືອກ ເທນຮາກ ຄຸມທັບຜີສາດແດງລະດູການໜ້າ

ການຄົ້ນຫາຜູ້ຈັດການທີມຄົນໃໝ່ຂອງ ແມນເຊັສເຕີ ຢູໄນເຕັດ ຍັງສືບຕໍ່ ແລະ ຊື່ຂອງ ເອຣິກ ເທນຮ່າກ ຄືໜຶ່ງໃນໂຕເຕັງທີ່ຈະເຂົ້າມາຮັບວຽກນີ້.

ແມນເຊັສເຕີ ຢູໄນເຕັດ ມີຄວາມຊັດເຈນກ່ຽວກັບຕຳແໜ່ງຜູ້ຈັດການຄົນໃໝ່ພໍສົມຄວນ ນັບຕັ້ງແຕ່ການປົດ ໂອເລ່ ກຸນນາໂຊຊາ ອອກຈາກຕຳແໜງ ພ້ອມກັບການແຕ່ງຕັ້ງ ຣາຟ ຣັງນິກ ເປັນຜູ້ຈັດການທີມຊົ່ວຄາວ ດ້ວຍສັນຍາ 2 ປີ ໃນຖານະເປັນທີ່ປຶກສາຂອງສະໂມສອນ ພາຍຫຼັງທີ່ລົງຈາກຕຳແໜ່ງຫົວໜ້າຄູຝຶກຂອງທີມ ແລະ ມີຊື່ຂອງ ເອຣິກ ເທນຮ່າກ ຜູ້ຈັດການທີມຂອງ ອາແຈັກ ໃນເລື່ອງມາໂດຍຕະຫຼອດ.

ຜູ້ຈັດການທີມ ໄວ 53 ປີ ມີສັນຍາກັບ ອາແຈັກ ຈົນຮອດກາງປີ 2023, ໂດຍມີລາຍງານວ່າ ເທນຮ່າກ ມີການຮຽນພາສາອັງກິດເພີ່ມຕື່ມ ແລະ ໄດ້ແຈ້ງກັບສະໂມສອນວ່າ ລາວຕ້ອງການອອກຈາກທີມໃນຕອນທ້າຍຂອງລະດູການນີ້ ໂດຍເຂົາໄດ້ປະສົບຜົນສໍາເລັດອັນຍິ່ງໃຫຍ່ກັບ ອາແຈັກ ນັບຕັ້ງແຕ່ຮັບການຄຸມທີມໃນປີ 2017 ເປັນຕົ້ນມາ

ຢ່າງໃດກໍ່ຕາມ ທນຮ່າກ ມີປະສົບການໃນການຄຸມທີມຢູ່ຕ່າງປະເທດມາແລ້ວຄັ້ງຫນຶ່ງ ກ່ອນໜ້ານີ້ລາວໄດ້ຮັບຜິດຊອບທີມສຳຮອງຂອງ ບາເຢິນ ມິວນິກ ແລະ ເຮັດວຽກຢູ່ທີ່ນັ້ນເປັນເວລາສອງປີ ໃນຂະນະທີ່ເຮັດວຽກສໍາລັບທີມໃຫຍ່ຂອງເຂົາແມ່ນງານໃນປະເທດເນເທີແລນ ທັງໝົດ ລວມມີ ໂກ ອະເຮດ ອີເກີ້ນ, ເອຟຊີ ອູເທຣດ ແລະ ອາແຈັກ ອຳສະເຕີດຳ ໂດຍໃນຊ່ວງຕົ້ນອາຊີບເຂົາໄດ້ຮັບໃຊ້ເປັນຄູຝຶກສອນທີມສຳຮອງໃຫ້ກັບ ເອຟຊີ ທະເວນເຕ້ ແລະ ຜູ້ຊ່ວຍຜູ້ຈັດການຂອງ ພີເອສວີ ໄອໂຮເຟັນ.