ເປີດເຜີຍບຸກຄົນ ທີ່ ອະບຣາໂມວິດ ຈະຂາຍ ເຊລຊີ ໃຫ້, ຫລັງຖືກກົດດັນຢ່າງຫນັກບັນຫາ ຣັສເຊຍ-ຢູເຄຣນ

ຄວາມເຄື່ອນໄຫວຂອງ ໂຣມັນ ອະບຣາໂມວິດ ມະຫາເສດຖີຊື່ດັັງຊາວຣັສເຊຍ ທີ່ພວມຖືກກະແສກົດດັນຢ່າງຫນັກ ຫລັງມີຂ່າວກ່ຽວຂ້ອງໃຫ້ການສະຫນັບສະຫນູນ ວະລາດີເມຍ ປູຕິນ ປະທານາທິບໍດີຣັສເຊຍ ທີ່ສັ່ງກອງກຳລັງທະຫານຣັສເຊຍບຸກໂຈມຕີປະເທດຢູເຄຣນ ຈົນມີຜູ້ເສຍຊີວິດຫລາຍຄົນ ລວມເຖິງຫນຶ່ງໃນນັ້ນມີຄົນໃນວົງການກິລາລວມຢູ່ນຳ.

ເມື່ອບໍ່ດົນມານີ້ ເຖິງວ່າເຈົ້າຂອງທີມຊາວຣັສເຊຍຄົນນີ້ຕ້ອງການຫລຸດກະແສຄວາມກົດດັນດ້ວຍການສົ່ງໃຫ້ອຳນາດການບໍລິຫານໃຫ້ກັບຕົວແທນຂອງມູນນິທິເຊລຊີ ແຕ່ຫລາຍຝ່າຍກໍເບິ່ງວ່າເປັນພຽງການມອບອຳນາດພຽງໃນນາມເທົ່ານັ້ນ ສຸດທ້າຍລາວກໍບໍລິຫານທີມເບື້ອງຫລັງ ລວມເຖິງມີຂ່າວວ່າ ໂຣມັນ ອະບຣາໂມວິດ ອາຍຸ 55 ປີ ຈະເປັນຄົນກາງໃນການເຈລະຈາໃຫ້ເກີດສັນຕິພາບລະຫວ່າງ ຣັສເຊຍ ແລະ ຢູເຄຣນ ແຕ່ສະຖານະການຂອງລາວກໍຍັງບໍ່ດີຂຶ້ນ ຈົນມີຂ່າວວ່າສຸດທ້າຍແລ້ວຕ້ອງການຂາຍອອກໄປຢ່າງຫລີກເວັ້ນບໍ່ໄດ້.

ຫລ້າສຸດ ຮານຢອກ ວິສ ມະຫາເສດຖີຊາວສະວິດເຊີແລນ ອອກມາລະບຸວ່າ ເປັນຄົນທຳອິດວ່າລາວໄດ້ຮັບການຕິດຕໍ່ຈາກ ອະບຣາໂມວິດ ທີ່ສະເຫນີຂາຍ ເຊລຊີ ໃຫ້ລາວຊື້ກິດຈະການມາຕັ້ງແຕ່ປີ 2003 ໃຫ້ກັບລາວ ເຊິ່ງຍັງຄົງບໍ່ໄດ້ຕອບຮັບ ຫລື ປະຕິເສດແຕ່ຢ່າງໃດ ພຽງແຕ່ຂໍເວລາໃນການພິຈາລະນາຂໍ້ສະເຫນີເທົ່ານັ້ນ ແລະຖ້າຫາກຊື້ກິດຈະການກໍຈະເປັນກຸ່ມຄົນທີ່ຮ່ວມລົງທຶນນຳກັນ ໂດຍທີ່ບໍ່ແມ່ນລາວພຽງຄົນດຽວ.