ຂ່າວລື, ແມນຢູ ກຽມແຍກທາງ ໂຣນັລໂດ ຫລັງຈົບລະດູການນີ້

ແມນເຊສເຕີ ຢູໄນເຕັດ ທີມດັງແຫ່ງ ພຣີເມຍລີກ ອັງກິດ  ຕົກເປັນຂ່າວກຽມແຍກທາງກັບ ຄຣິສຕຽນໂນ ໂຣນັລໂດ ດາວຍິງຄົນດັງຊາວໂປຣຕຸເກສ ຫລັງຈົບລະດູການນີ້ ເຖິງຈະຍັງເຫລືອສັຍາເຖິງປີ 2023 ຄາດປັດໄຈສຳຄັນແມ່ນໄປຕໍ່ນຳກັນບໍ່ໄດ້ ນັ້ນຄືສະພາບຮ່າງກາຍຂອງນັກເຕະເລີ່ມອ່ອນແອ.

ຄຣິສຕຽນໂນ ໂຣນັລໂດ ຍ້າຍຈາກ ຢູເວນຕຸສ ກັບຄືນສູ່ໂຮງລະຄອນແຫ່ງຄວາມຝັນເມື່ອລະດູການຜ່ານມາ ດ້ວຍຄ່າຕົວ 12 ລ້ານປອນ ໂດຍລາວຍິງປະຕູໄດ້ໃນລະດັບທີ່ຫນ້າພໍໃຈ ແຕ່ໄລຍະຫລັງເລີ່ມຜົນງານຈະຕົກລົງໄປ.

ທັງນີ້ ສາເຫດຫລັກໆມາຈາກການທີ່ສະພາບຮ່າງກາຍຂອງດາວເຕະອາຍຸ 37 ປີ ເລີ່ມອ່ອນແຮງລົງຢ່າງເຫັນໄດ້ຈະແຈ້ງ ຈົນບັນດານັກວິເຄາະບານເຕະບາງຄົນບອກວ່ານັກເຕະບໍ່ສາມາດຢືນໄລຍະຫລິ້ນໃນລີກບານເຕະອັນດັບຫນຶ່ງໂລກທີ່ມີການຫລິ້ນເກມທີ່ໄວ ແລະ ເນັ້ນການປະທະໄດ້ອີກແລ້ວ ແລະແນ່ນອນວ່າ ໂຣນັລໂດ ເອງກໍຄົງບໍ່ຍິນຍອມທີ່ຈະຫລຸດສະຖານະເປັນຕົວສຳຮອງຈຶ່ງເຮັດໃຫ້ເຊື່ອກັນວ່າໂອກາດທີ່ຈະແຍກທາງກັນໃນລະດູການນີ້ມີໂອກາດສູງ.