ຈີນເລັ່ງຜະລິດລົດຈັກໄຟຟ້າ ປ້ອນຕະຫລາດຕ່າງປະເທດ

ເຖິງວ່າຜະເຊີນຜົນກະທົບຈາກພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19), ແຕ່ຄວາມຕ້ອງການ “ລົດຈັກໄຟຟ້າ” ໃນຕະຫລາດເອີຣົບ ແລະ ອາເມລິກາພັດເພີ່ມຂຶ້ນຢ່າງຕໍ່ເນື່ອງໃນໄລຍະບໍ່ເທົ່າໃດປີຜ່ານມາ ໂດຍຂໍ້ມູນຈາກສຳນັກເສດຖະກິດ ແລະ ເຕັກໂນໂລຊີຂໍ້ມູນຂ່າວສານເມືອງຈິນຫົວ ມົນທົນເຈີຈຽງທາງຕາເວັນອອກຂອງຈີນ ເຊິ່ງເປັນຖານຜະລິດລົດຈັກໄຟຟ້າທີ່ສຳຄັນຂອງຈີນ ຊີ້ວ່າປະລິມານການສົ່ງອອກລົດຈັກໄຟຟ້າໄປຕະຫລາດເອີຣົບ ແລະ ອາເມລິກາເພີ່ມຂຶ້ນ 99,6% ໃນປີ 2021 ເມື່ອທຽບໃສ່ແຕ່ລະປີ.

ນອກຈາກນັ້ນ, ເມືອງຈິນຫົວຍັງໄດ້ຮັບຄຳສັ່ງຊື້ຈາກຕ່າງປະເທດເພີ່ມຂຶ້ນຫລາຍກວ່າ 20% ເມື່ອທຽບໃສ່ປີຕໍ່ປີ ນັບແຕ່ຕົ້ນປີຜ່ານມາ ໂດຍປັດຈຸບັນບໍລິສັດລົດຈັກໄຟຟ້າໃນເມືອງກຳລັງເລັ່ງດຳເນີນການຜະລິດຢ່າງເຕັມທີ່ເພື່ອໃຫ້ຄຳສັ່ງຊື້ສຳເລັດຕາມກຳນົດເວລາ.