ປາຣິສ ແຊັງແຊັກແມັງ ປະກາດຄວ້າ ເນມາ ມາຮ່ວມທີມຢ່າງເປັນທາງການ ເຊັນສັນຍາ 5 ປີ

ສຳນັກຂ່າວຕ່າງປະເທດ ລາຍງານວ່າ ສະໂມສອນ ປາຣິສ ແຊັງແຊັກແມັງ ທີມໃຫຍ່ ແຫ່ງ ລີກເອິງ ຝຣັ່ງ ປະກາດຜ່ານທາງ ເວັບໄຊຂອງສະໂມສອນວ່າພວກເຂົາປະສົບຄວາມສຳເລັດໃນ ການຄວ້າໂຕ ເນມາ ຊຸບເປີສະຕາ ຊາວ ບຣາຊິລ ຈາກທີມ ບາເຊ ໂລນາ ມາຮ່ວມທີມຢ່າງເປັນທາງ ການແລ້ວ ໂດຍຈະເຊັນສັນຊາ ເປັນເວລາ 5 ປີ ຄາດວ່າການ ຊື້ຂາຍທັງໝົດນີ້ມີມູນຄ່າສູງເຖິງ 450 ລ້ານປອນ.
ຫຼັງບໍ່ດົນມານີ້ທາງທີມງານກົດໝາຍໂຕແທນຂອງ ເນມາ ນຳ ເງິນ 222 ລ້ານເອີໂຣ ຫຼື ປະມານ 198 ລ້ານປອນ ເພື່ອໄປຈີກສັນ ຍາໂຕນັກເຕະກັບທາງ ບາເຊໂລ ນາ ເຖິງປະເທດ ສະເປນ ຫຼ້າສຸດ ທາງ ປາຣິສ ແຊັງແຊັກແມັງ ກໍ ປະກາດຄວ້າໂຕດາວຍິງອາຍຸ 25 ປີຜູ້ນີ້ມາຮ່ວມທີມເປັນທີ່ຮຽບ ຮ້ອຍແລ້ວ ພ້ອມກັບເຮັດໃຫ້ ເນ ມາ ກາຍເປັນນັກເຕະຄ່າໂຕສະຖິ ຕິໂລກຄົນໃໝ່ທັນທີ.
ຫຼັງຍ້າຍມາຫຼິ້ນກັບ ປາຣິສ ແຊັງແຊັກແມງ ເນມາ ເປີດໃຈ ວ່າ: “ຂ້ອຍມີຄວາມສຸກທີ່ສຸດທີ່ ໄດ້ຍ້າຍມາຮ່ວມທີມ ປາຣິສ ແຊັງ ແຊັກແມັງ ນັບຕັ້ງແຕ່ຍ້າຍມາ ຫຼິ້ນໃນເອີຣົບ ນີ້ຄືໜຶ່ງໃນສະໂມ ສອນທີ່ຍິ່ງໃຫຍ່ ແລະ ມີຄວາມທະ ເຍີທະຍານຫຼາຍທີ່ສຸດ ແລະ ເປັນ ຄວາມທ້າທາຍທີ່ຍິ່ງໃຫຍ່ທີ່ສຸດ ສຳລັບຂ້ອຍ ໃນການຮ່ວມມືກັບ ໝູ່ຮ່ວມທີມໃໝ່ ເພື່ອຊ່ວຍໃຫ້ສະ ໂມສອນປະສົບຄວາມສຳເລັດໃນການຄວ້າແຊ໊ມຢ່າງທີ່ກອງເຊຍ ຕ້ອງການ ຄວາມທະເຍີທະຍານ ຂອງ ປາຣິສ ແຊັງແຊັກແມັງ ດຶງ ດູດໃຫ້ຂ້ອຍຍ້າຍມາທີ່ສະໂມສອນແຫ່ງນີ້ ພ້ອມດ້ວຍອາລົມ ແລະ ພະລັງງານທີ່ຂ້ອຍຈະນຳມາ ມອບໃຫ້ກັບທີມ ຂ້ອຍລົງຫຼິ້ນ 4 ລະດູການໃນເອີຣົບ ແລະ ຂ້ອຍຮູ້ ສຶກວ່າຂ້ອຍພ້ອມແລ້ວທີ່ຈະພົບ ກັບຄວາມທ້າທາຍໃໝ່ ນັບຕັ້ງແຕ່ ວັນນີ້ ຂ້ອຍຈະເຮັດທຸກຢ່າງ ເພື່ອ ຊວຍເຫຼືອໝູ່ຮ່ວມທີມ ຊ່ວຍໃຫ້ ສະໂມສອນຂອງຂ້ອຍປະສົບ ຄວາມສຳເລັດ ນຳຄວາມສຸກມາ ມອບໃຫ້ກັບກອງເຊຍຫຼາຍລ້ານ ຄົນທີ່ຢູ່ໃນທົ່ວໂລກ”.