ເປີດສາກແລ້ວ ດອກປິກໄກ່ ທົ່ວໄປເທດ ຄັ້ງທີ 17 ຊີງຂັນລັດຖະມົນຕີ ສສກ ທົດສອບສີມືນັກກິລາ ຮ່ວມ ກົວລາລຳເປີ ເກມ
ເປີດສາກຂຶ້ນຢ່າງເປັນທາງການແຂ່ງຂັນດອກປິກໄກ່ ທົ່ວປະ ເທດ ຄັ້ງທີ 17 ຊີງຂັນລັດຖະມົນ ຕີ ກະຊວງສຶກສາທິການ ແລະ ກິລາ (ສສກ) ເພື່ອເປັນການທົດ ສອບນັກກິລາທີມຊາດລາວ ກຽມ ເຂົ້າຮ່ວມແຂ່ງຂັນງານມະຫະກຳກິລາຊີເກມ ຄັ້ງທີ 29 ຫຼື ກົວລາ ລຳເປີ ເກມ ທີ່ປະເທດມາເລເຊຍ ຮັບກຽດເປັນເຈົ້າພາບ ລະຫວ່າງ ວັນທີ 19-30 ສິງຫານີ້.
ໃນຕອນບ່າຍວັນທີ 3 ສິງ ຫາຜ່ານມາ ທີ່ສະໂມສອນກິລາ ຄົບວົງຈອນໃນຮົ່ມ ມິດຕະພາບ ລາວ-ໄທ ບ້ານບຶງຂະຫຍອງ ເມືອງສີສັດຕະນາກ ພະແນກສຶກ ສາທິການ ແລະ ກິລາ ນະຄອນ ຫຼວງວຽງຈັນ ໄດ້ມີການເປີດ ການແຂ່ງຂັນດອກປິກໄກ່ ທົ່ວປະ ເທດ ຄັ້ງທີ 17 ຊີງຂັນລັດຖະມົນ ຕີ ກະຊວງ ສສກ ເພື່ອເປັນການ ທົດສອບນັກກິລາທີມຊາດລາວ ກຽມເຂົ້າຮ່ວມແຂ່ງຂັນງານມະ ຫະກຳຊີເກມ ຄັ້ງທີ 29 ທີ່ມາເລ ເຊຍ ຮັດກຽດເປັນເຈົ້າພາບ ໂດຍ ໃຫ້ກຽດເຂົ້າຮ່ວມຂອງ ທ່ານ ສົມ ສະແຫວງ ແສງສີລາວົງ ຮອງ ປະທານ ແລະ ເລຂາທິການ ສະ ຫະພັນດອກປິກໄກ່ແຫ່ງຊາດ ລາວ (ສດລ) ພ້ອມດ້ວຍ ຄະນະ ບໍລິຫານ, ຄະນະນຳ, ຄູເຝິກ ແລະ ນັກກິລາ ຈາກບັນດາສະໂມສອນ ອ້ອມຂ້າງສູນກາງ ແລະ ແຂວງ ຕະຫຼອດຮອດກອງເຊຍເຂົ້າຮ່ວມຊົມ ແລະ ເຊຍ.
ທ່ານ ບຸນຍະແສງ ມະຊຽງ ຄຳ ເລຂານຸການ ສດລ ແຈ້ງ ໃຫ້ຮູ້ວ່າ: ເພື່ອເປັນການທົດສອບ ສີມືຂອງທັບກິລາທີມຊາດລາວ ທີ່ຈະເຂົ້າຮ່ວມແຂ່ງຂັນງານມະ ຫະກຳກິລາຊີເກມ ຄັ້ງທີ 29 ທີ່ ປະເທດມາເລເຊຍ ຮັບກຽດເຈົ້າ ພາບໃນເດືອນສິງຫານີ້ ອີກດ້ານ ໜຶ່ງກໍເປັນການຄັດເລືອກນັກກິລາດີເດັ່ນໃນລະດັບດີ ກຽມເປັນໂຕ ແທນນັກກິລາດອກປິກໄກ່ລາວ ທົ່ວປະເທດ ເພື່ອເຂົ້າຮ່ວມແຂ່ງ ຂັນດອກປິກໄກ່ຊີງແຊ໊ມນາໆ ລາຍການ ລາວ ອິນເຕີເນຊັນ ນອລ ເຊີຣີ ປະຈຳປີ 2017 ຫຼື Lao Intemational Series 2017 ທີ່ ນະຄອນຫຼວງວຽງຈັນ ສປປ ລາວຮັບກຽດເປັນເຈົ້າພາບ ເຊິ່ງການແຂ່ງຂັນຈະໄດ້ຈັດຂຶ້ນ ໃນລະຫວ່າງວັນທີ 31 ຕຸລາ ຫາ 5 ພະ ຈິກ 2017. ພ້ອມກັນນັ້ນ ກໍເພື່ອຄັດເລືອກນັກກິລາໃນຮຸ່ນ ສືບທອດຕິດທີມເຍົາວະຊົນທີມ ຊາດລາວ ກຽມເຄື່ອນໄຫວສົ່ງ ເຂົ້າຮ່ວມແຂ່ງຂັນຊີແຊ໊ມລະດັບ ພາກພື້ນ ແລະ ສາກົນ ລາຍການ ຕ່າງໆໃນຕໍ່ໜ້າ.
ການແຂ່ງຂັນລາຍການນີ້ ມີນັກກິລາເຂົ້າຮ່ວມ 325 ຄົນ, ຍິງ 68 ຄົນ ຈາກ 33 ສະໂມ ສອນ, ໃນນັ້ນມີ 9 ແຂວງ ປະ ກອບມີ ຫຼວງພະບາງ, ຫົວພັນ, ໄຊຍະບູລີ, ບໍລິຄຳໄຊ, ຄຳມ່ວນ, ສະຫວນນະເຂດ, ຈຳປາສັກ, ໄຊ ສົມບູນ ແລະ ແຂວງວຽງຈັນ. ມີ ການຊີງໄຊກັນທັງໝົດ 14 ລາຍ ການຄື: ດ່ຽວເຍົາວະຊົນຍິງ-ຊາຍ ຮຸ່ນອາຍຸ 14 ປີ, ຄູ່ເຍົາວະຊົນຍິງ- ຊາຍ ຮຸ່ນອາຍຸ 14 ປີ, ດ່່ຽວເຍົາ ວະຊົນຍິງ-ຊາຍ ຮຸ່ນອາຍຸ 17ປີ, ຄູ່ເຍົາວະຊົນຍິງ-ຊາຍ ຮຸ່ນອາຍຸ 17 ປີ, ຄູ່ຊາຍມືໃໝ່ ອາຍຸ 18-35 ປີ, ຄູ່ຍິງມືໃໝ່ອາຍຸ 18-30 ປີ, ດ່ຽວຍິງ-ຊາຍ ຮຸ່ນທົ່ວໄປ, ຄູ່ຍິງ- ຊາຍ ຮຸ່ນທົ່ວໄປ ແລະ ຄູ່ປະສົມ ຮຸ່ນທົ່ວໄປ.
ຂ່າວຈາກ:laosportnews.com.
