ສີລັງກາຜະເຊີນວິກິດນ້ຳມັນຂາດເຂີນ ເງິນຕາຕ່າງປະເທດຫລຸດລົງ

ສີລັງກາຜະເຊີນວິກິດນ້ຳມັນຂາດເຂີນ ເນື່ອງຈາກເງິນຕາຕ່າງປະເທດຫລຸດລົງ, ຂະນະທີ່ກະຊວງພະລັງງານຢູ່ລະຫວ່າງເຈລະຈາກັບກະຊວງການເງິນ ແລະ ທະນາຄານກາງ ເພື່ອອະນຸມັດເງິນກອງທຶນແກ້ໄຂວິກິດຄັ້ງນີ້.

ປ້ຳນ້ຳມັນຫລາຍແຫ່ງໃນສີລັງກາເຕັມໄປດ້ວຍລົດຈຳນວນຫລາຍເຂົ້າຄິວລໍຖ້າໃສ່ນ້ຳມັນ ຫລັງຈາກລັດຖະມົນຕີພະລັງງານອອກມາເຕືອນກ່ຽວກັບສະພາບນ້ຳມັນຂາດເຂີນ ເນື່ອງຈາກເງິນຕາຕ່າງປະເທດຫລຸດລົງ.

ທັງນີ້, ສີລັງກາພະຍາຍາມຈັດຫາເງິນຈຳນວນ 35 ລ້ານໂດລາສະຫະລັດ ເພື່ອຈ່າຍເປັນຄ່ານ້ຳມັນຈຳນວນ 40.000 ໂຕນ ທີ່ສົ່ງມາທ່າເຮືອໃນນະຄອນຫລວງໂກລຳໂບ ໃນວັນທີ 20 ກຸມພາຜ່ານມາ. ຂະນະທີ່ນ້ຳມັນສຳຮອງໃນປະເທດຈະມີພໍໃຊ້ໄດ້ອີກບໍ່ດົນ. ສ່ວນທ່ານ ອູດາຍາ ແກມມານພິລາ ລັດຖະມົນຕີພະລັງງານ ກ່າວວ່າ: ກະຊວງພະລັງງານຢູ່ລະຫວ່າງເຈລະຈາກັບກະຊວງການເງິນ ແລະ ທະນາຄານກາງ ເພື່ອອະນຸມັດເງິນກອງທຶນເພື່ອແກ້ໄຂວິກິດຄັ້ງນີ້.