ລັດຖະມົນຕີກະຊວງການຕ່າງປະເທດອົດສະຕຣາລີ ຈະຢ້ຽມຢາມລາວ 24-25 ກຸມພານີ້

ໂດຍຕອບສະໜອງຕາມຄຳເຊີນຂອງທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ທ່ານນາງ ມາຣີສ ເພນ ລັດຖະມົນຕີກະຊວງການຕ່າງປະເທດ ແລະ ລັດຖະມົນຕີຮັບຜິດຊອບວຽກແມ່ຍິງແຫ່ງ ອົດສະຕຣາລີ ພ້ອມຄະນະຈະເດີນທາງຢ້ຽມຢາມສປປ ລາວ ຢ່າງເປັນທາງການໃນວັນທີ 24-25 ກຸມພາ 2022.

ເພື່ອຮັດແໜ້ນສາຍພົວພັນມິດຕະພາບອັນຍາວນານ ແລະ ການຮ່ວມມືອັນດີງາມທັງເປັນການສະເຫລີມສະຫລອງວັນຄົບຮອບ 70 ປີການສ້າງຕັ້ງສາຍພົວພັນການທູດລະຫວ່າງ ສປປ ລາວ ແລະ ອົດສະຕຣາລີ.