ມາຊິຢາລ ຕັດສິນໃຈອະນາຄົດກັບແມນຢູ ຕ້ອງການຍ້າຍໄປ ເຊບີຢາ ຖາວອນ
ອອງໂຕນີ ມາຊິຢາລ ກອງຫນ້າຕົວຢືມຂອງ ເຊບີຢາ ຕົກເປັນຂ່າວຕັດສິນໃຈອະນາຄົດກັບຕົ້ນສັງກັດຢ່າງຈິງຈັງແລ້ວ ໃນໄລຍະລະດູການນີ້ ວ່າຈະຍ້າຍອອກແບບຖາວອນ.
ອອງໂຕນີ ມາຊິຢາລ ກອງຫນ້າສັນຍາເຊົ່າຂອງ ເຊບີຢາ ສະໂມສອນຊັ້ນນຳໃນລີກ ລາລີກາ ສະເປນ ຕົກເປັນຂ່າວ ຕັດສິນໃຈອະນາຄົດກັບຕົ້ນສັງກັດທີ່ແທ້ຈິງ ໃນໄລຍະລະດູການນີ້ແລ້ວວ່າຈະຍ້າຍອອກແບບຖາວອນ ຈາກການລາຍງານຂອງ ເດິ ມິຣເຣີ ສື່ຊື່ດັງ.
ໃນໄລຍະຕະຫລາດຊື້ຂາຍນັກເຕະຮອບ 2 ເມື່ອເດືອນມັງກອນທີ່ຜ່ານມາ ອອງໂຕນີ ມາຊິຢາລ ຍ້າຍຈາກ ແມນເຊສເຕີ ຢູໄນເຕັດ ຫາກໍຕັດສິນໃຈຍ້າຍໄປຮ່ວມ ເຊບີຢາ ດ້ວຍສັນຍາຢືມຕົວ 6 ເດືອນ ຫລັງເກືອບບໍ່ມີສ່ວນຮ່ວມກັບທີມໃນລະດູການໃນຍຸກຜູ້ຈັດການທີມ ໂອເລ ກຸນນາ ໂຊລຊາ ແລະ ຜູ້ຈັດການປັດຈຸບັນຄື ຣາຟ ຣັງນິກ.
ທັງນີ້ ຫລ້າສຸດມີລາຍງານວ່າ ອະດີດນັກເຕະຂອງໂມນາໂກ ອາຍຸ 26 ປີ ທີ່ເຫລືອສັນຍາໃນແມນຢູຈົນເຖິງປີ 2024 ໄດ້ຕັດສິນໃຈແນ່ນອນແລ້ວວ່າຈະຂໍຍ້າຍອອກຈາກທີມໄປແບບຖາວອນ ເນື່ອງຈາກລາວໄດ້ພິຈາລະນາແລ້ວວ່າ ໄລຍະເວລາທີ່ຢູ່ກັບສະໂມສອນແຫ່ງນີ້ໄດ້ຫມົດລົງໄປແລ້ວ.
