ຄົນຄືກົກເຫງົ້າທີ່ຕ້ອງແກ້ກ່ອນ ທຸກປາກົດການຫຍໍ້ທໍ້ຈຶ່ງຖືກຕີຖອຍ

ຫວິດປີໃໝ່ 2022 ມາບໍ່ເຖິງ 2 ເດືອນ ການຕີແພ່ຂ່າວອຸບັດເຫດທາງຖະ¬ໜົນ ຖີ່ຂຶ້ນ ຫລາຍກໍລະນີກາຍ ເປັນຂ່າວດັງ ທັງໃນສື່ຫລັກ, ສື່ສັງຄົມອອນລາຍ. ຂະນະດຽວກັນກໍມີຫາງສຽງຂອງສັງຄົມຢາກໃຫ້ການແກ້ໄຂໄປຖືກທິດຖືກລວງ. ຂະນະດຽວກັນຫລາຍຄົນກໍວ່າ ການລະ¬ເມີດກົດໝາຍຈະລາຈອນເກີດຈາກຜູ້ຂັບຂີ່ (ຄົນ) ຄືຕົ້ນຕໍຂອງການເກີດອຸບັດເຫດນັ້ນເອງ.

ປະ¬ເດັນສຳ¬ຄັນຂອງການແກ້ໄຂບັນ¬ຫາອຸ¬ບັດ¬ເຫດຕາມຖະ¬ໜົນ ມີຫລາຍຄຳເຫັນ ບອກວ່າ ຈຸດເລີ່ມຕົ້ນທີ່ຕ້ອງແກ້ ຄືຄົນເປັນຕົ້ນຕໍ ເນື່ອງຈາກຄົນຄືຜູ້ຂັບຂີ່ທີ່ກ່ຽວພັນຫລາຍດ້ານເປັນຕົ້ນການມີສະ¬ຕິ ແລະ ຕື່ນຕົວປະ¬ຕິ-ບັດລະບຽບກົດ¬ໝາຍຢ່າງເຄັ່ງຄັດ. ແນວໃດກໍດີການປູກຈິດສຳ¬ນຶກຕໍ່ການປະຕິບັດກົດລະບຽບຈະ¬ລາຈອນ ໃຫ້ທົ່ວສັງຄົມທັງທາງເລິກ ແລະ ທາງກວ້າງກໍຍັງແມ່ນຄົນ ທີ່ກວມເອົາທັງເຈົ້າໜ້າທີ່ຕຳຫລວດຈະ ລາຈອນ, ຄູບາອາຈານ ຜູ້ປົກຄອງ, ອົງການປົກຄອງລະບັບນາຍບ້ານ, ເຈົ້າເມືອງ, ເຈົ້າແຂວງ-ເຈົ້ານະ ຄອນ…ຄຽງຄູ່ກັນນີ້ການຕິດຕາມກວດກາການປະຕິບັດກົດລະບຽບ-ກົດໝາຍຈະລາຈອນທາງບົກກັບຜູ້ຂັບຂີ່ໂດຍກົງ ກໍຕ້ອງເປັນປົກກະຕິ.

ເກີດການຕັ້ງໂຈດຂຶ້ນມາອີກວ່າ: ເປັນຫຍັງຈຶ່ງຍັງບໍ່ສາມາດແກ້ໄຂໄດ້ການເກີດອຸບັດເຫດຕາມຖະໜົນ? ມີຫລາຍມຸມມອງທີ່ສະທ້ອນໃຫ້ເຫັນທັງດ້ານບວກ ແລະ ລົບ ໂດຍດ້ານບວກ ກໍມີຫລາຍ, ສ່ວນດ້ານລົບກໍມີບໍ່ໜ້ອຍ ເຊັ່ນດຽວກັນ ເຊິ່ງສຸດທ້າຍແລ້ວ ຕ້ອງອາໄສເວລາປູກຈິດສຳ¬ນຶກໃຫ້ຄົນທົ່ວສັງ¬ຄົມມີສະຕິປະ¬ຕິ¬ບັດລະ-ບຽບກົດ¬ໝາຍຈະ¬ລາຈອນຢ່າງເຄັ່ງຄັດ. ປີນີ້ ປີໜ້າ ຫລື ສິບປີ ຊາວປີ ຕ້ອງໄດ້ເຮັດ ເນື່ອງຈາກຄົນ ຄືປັດໄຈສຳຄັນ ແລະ ຕົ້ນຕໍທີ່ຕ້ອງໄດ້ພັດທະນາ.

ການຈະແກ້ໄຂບັນຫາໃດ ຕ້ອງຖືຄົນເປັນສຳຄັນ ເຮັດໃຫ້ຄົນມີການສຶກສາດີ ມີສະຕິກົດໝາຍ, ເຮັດໃຫ້ການກວດກາການປະຕິບັດກົດໝາຍຂອງເຈົ້າໜ້າທີ່ກ່ຽວຂ້ອງຂອງພາກລັດ ເຂັ້ມງວດ. ສະຫລຸບແລ້ວ ຄົນຄືຄວາມຫວັງ ຄືກົກເຫງົ້າຂອງການແກ້ໄຂບັນຫາອຸບັດເຫດທາງຖະໜົນ.