ຂ່ານ ກຽມແຂວນນວມ ຫລັງເສຍໄຊໃນຍົກ 6 ແບບຫມົດສະພາບໃຫ້ ບຣູກ
ອາເມຍ ຂ່ານ ນັກຊົກຊາວອັງກິດອາຍຸ 35 ປີ ຍອມຮັບວ່າພວມຕັດສິນໃຈເລື່ອງແຂວນນວມ ຫລັງເສຍໃຫ້ ເຄລ ບຣູກ ຫມູ່ຮ່ວມຊາດຢ່າງຫມົດສະພາບໃນຍົກທີ 6 ຢູ່ສັງວຽນ ແມນເຊສເຕີ ອາຣີນາ ເມື່ອວັນເສົາທີ່ຜ່ານມາ.
ບຣູກ ເປັນຝ່າຍໄລ່ລົວຫມັດໃສ່ ຂ່ານ ຕັ້ງແຕ່ຍົກທຳອິດ ກ່ອນທີ່ຜູ້ຕັດສິນຈະຍຸດຕິການຊົກ ພາຍຫລັງ ຂ່ານ ອະດີດເຈົ້າຂອງຫລຽນເງິນໂອລິມປິກ ຮຸ່ນໄລເວດ ທີ່ເອເທັນ 2004 ເປີດເຜີຍວ່າ : ເປັນບາງຢ່າງທີ່ຂ້ອຍຕ້ອງທົບທວນ ຂ້ອຍເວົ້າສະເຫມີວ່າບໍ່ຕ້ອງການໃຫ້ມວຍເຮັດໃຫ້ຂ້ອຍຕ້ອງກະສຽນ ແຕ່ຂ້ອຍຕ້ອງການກະສຽນເອງ ຂ້ອຍຮູ້ວ່າໄດ້ສະແດງຫົວໃຈທີ່ຍິ່ງໃຫຍ່ ແລະ ພະຍາຍາມຢ່າງຫລາຍ ແຕ່ບາງຄັ້ງຖ້າຫລາຍເກີນໄປອາດເປັນອັນຕະລາຍໄດ້ໃນອະນາຄົດ.
ຂ້ອຍສິ່ງຕ່າງໆໄດ້ຫລາຍກວ່າທີ່ຄາດໄວ້ ບາງເທື່ອຂ້ອຍອາດເຖິງຈຸດສູງສຸດໄວເກີນໄປ ຂ້ອຍຢູ່ທີ່ໂອລິມປິກຕອນອາຍຸ 17 ປີ ໄດ້ແຊ໊ມໂລກຕອນອາຍຸ 22 ປີ ຕອນນີ້ ອາຍຸ 35 ປີ ຂ້ອຍຢູ່ໃນການແຂ່ງຂັນມາດົນແລ້ວ ຂ້ອຍເຖົ້າແລ້ວ ຂ້ອຍຢາກໃຊ້ເວລາຢູ່ກັບລູກ ແລະ ຄອບຄົວຂອງຂ້ອຍ.
