ອາເກວໂຣ ກຽມເຂົ້າຮ່ວມທີມງານຄູເຝິກຂອງ ອາເຈນຕີນາ ລຸຍບານໂລກ

ເຊີຄີໂອ ກຸນ ອາເກວໂຣ ເປີດເຜີຍວ່າ ກຽມເຂົ້າຮ່ວມທີມໃນທີມງານຄູເຝິກ  ຊຸດລຸຍບານໂລກທ້າຍປີນີ້ ຫລັງໄດ້ເຈລະຈາກັບ ລີໂອເນລ ສະຄາໂລນີ ຜູ້ຈັດການທີມຊາດ ລວມເຖິງ ເຄລາດີໂອ ທາເປຍ ປະທານສະຫະພັນບານເຕະອາເຈນຕີນາແລ້ວ.

ເຊີຄີໂອ ກຸນ ອາເກວໂຣ ອະດີດກອງຫນ້າທີມຊາດອາເຈນຕີນາ ອອກມາເປີດເຜີຍວ່າພວມເຈລະຈາກັບ ລີໂອເນລ ສະຄາໂລນີ ຜູ້ຈັດການທີມຊາດອາເຈນຕີນາ ລວມເຖິງ ເຄລາດີໂອ ທາເປຍ ປະທານສະໂມສອນບານເຕະ ອາເຈນຕີນາ ເລື່ອງການເຂົ້າໄປຮັບຫນ້າທີ່ເປັນຫນ່ຶງໃນທີມງານຄູເຝິກທີມຊາດ ຊຸດກຽມເຮັດເສິກເຕະບານໂລກ 2022 ທີ່ປະເທດກາຕາ ໃນໄລຍະທ້າຍປີນີ້.

ຕຳນານດາວຍິງ ແມນເຊສເຕີ ຊິຕີ ເຊິ່ງຫາກໍຍົກເລີກສັນຍາກັບ ບາເຊໂລນາ ແລະ ປະກາດແຂວນສະຕັດໄປກ່ອຫນ້ານີ້ ເນື່ອງຈາກມີບັນຫາຜິດປົກກະຕິທາງດ້ານຫົວໃຈ ເປີດເຜີຍຜ່ານ ‘‘ ເຣດີໂອ 10 ’’ ສະຖານີວິທະຍຸຊື່ດັງໃນບ້ານເກີດວ່າ ‘‘ ຂ້ອຍພວມຈະໄດ້ໄປບານໂລກທີ່ກາຕາ ພວກເຮົາພວມຈະມີການເຈລະຈາກັນເລື່ອງນີ້ໃນທ້າຍອາທິດນີ້ ຂ້ອຍຢາກໄປ ຂ້ອຍຢາກເຂົ້າໄປມີສ່ວນຮ່ວມເປັນຫນຶ່ງໃນທີມງານຄູເຝິກ ຂ້ອຍໄດ້ລົມກັບ ລີໂອເນລ ສະຄາໂລນີ ຫົວຫນ້າຄູເຝິກທີມຊາດ ລວມເຖິງ ເຄລາດີໂອ ທາເປຍ ປະທານ ສະຫະພັນບານເຕະອາເຈນຕີນາແລ້ວ ’’.