ອັດຕະປືພວມສຸມໃສ່ແກ້ໄຂຜົນເສຍຫາຍຈາກໄພນ້ຳຖ້ວມ

ປັດຈຸບັນເຈົ້າແຂວງອັດຕະ ປືໄດ້ຮີບຮ້ອນແຕ່ງຕັ້ງພະນັກງານ ວິຊາການກ່ຽວຂ້ອງຕ່າງໆ ລົງ ກວດກາເພື່ອຊອກຫາວິທີແກ້ໄຂ ຜົນກະທົບຈາກໄພນ້ຳຖ້ວມເມື່ອ ທ້າຍເດືອນກໍລະກົດ ຜ່ານມາ. ໂດຍສະເພາະບັນຫາບ້ານໃນ ເມືອງສະໜາມໄຊທີ່ຕັ້ງຢູ່ລຽບ ຕາມແມ່ນ້ຳເຊປ່ຽນ ແລະ ເຊຄ່າ ພໍຄື: ບ້ານປາກບໍ່, ໜອງແຂ້, ບ້ານດອນ ແລະ ບ້ານໂພນສະ ອາດລວມມີ 447 ຫລັງຄາ ເຮືອນໄດ້ຮັບຜົນກະທົບ, ເນື້ອທີ່ ປູກເຂົ້າຫລາຍກວ່າ 230 ເຮັກ ຕາ ແລະ ຜົນລະປູກເປັນຈຳນວນ ຫລາຍໄດ້ຮັບຄວາມເສຍຫາຍ ແລະ ຮ້າຍແຮງໄປກວ່ານັ້ນແມ່ນ ເສັ້ນທາງຖືກ ຕັດຂາດເຮັດໃຫ້ ການສັນຈອນໄປຫາພົບຄວາມ ຫຍຸ້ງຍາກຕ້ອງໄດ້ໃຊ້ທາງເຮືອ ເປັນສ່ວນໃຫຍ່.

+ ການລົງທຶນຂອງຫວຽດນາມ ຢູ່ແຂວງອັດຕະປືກວມຫລາຍກວ່າ58%

+ 30ບ້ານຢູ່ເມືອງວາປີໄດ້ຮັບຜົນກະທົບຈາກນ້ຳຖ້ວມ

ຕໍ່ສະພາບດັ່ງກ່າວທາງ ອຳນາດການປົກຄອງແຂວງ ໄດ້ເລັ່ງຊ່ວຍເຫລືອຜູ້ໄດ້ຮັບຜົນ ກະທົບຮ້າຍແຮງຈາກໄພທຳ ມະຊາດ ດັ່ງກ່າວແລ້ວເຊັ່ນ: ເຂົ້າ ສານ, ອາຫານແຫ້ງ ແລະ ນ້ຳ ດື່ມ ຕ່າງໆ ເພື່ອເຂົາເຈົ້າມີເງື່ອນ ໄຂ ຕໍ່ສູ້ ແລະ ປົວແປງຊີວິດການ ເປັນຢູ່ໃຫ້ກັບຄືນສູ່ສະພາບ ປົກກະຕິໂດຍໄວ. ສ່ວນການກໍ່ ສ້າງ ແລະ ສ້ອມແປງບັນດາ ເສັ້ນທາງທີ່ຖືກເປ່ເພນັ້ນອາດ ແມ່ນທ້າຍລະດູຝົນນີ້ ຈະລົງ ມືຈັດຕັ້ງປະຕິບັດເພື່ອຊ່ວຍ ໃຫ້ການໄປມາຫາສູ່ ຂອງປະ ຊາຊົນໃນກຸ່ມບ້ານ ປາກບໍ່, ກຸ່ມ ໜອງມ່ວງໃຫ້ດີຂຶ້ນ.