ເອັມບັບເປ ພ້ອມເປີດໂອກາດຍ້າຍໄປທີມດັງໃນພຣີເມຍລີກ

‘‘ ສະປອດ  ’’ ສື່ຊື່ດັງຂອງສະເປນລາຍງານວ່າ ຄີລຽນ ເອັມບັບເປ ກອງຫນ້າທີມຊາດຝຣັ່ງຊຸດຄວ້າແຊ໊ມບານໂລກ 2018 ຂອງສະໂມສອນ ປາຣີສ ແຊັງ ແຊັກແມັງ ບໍ່ປິດໂອກາດທີ່ຈະຍ້າຍມາຮ່ວມທີມ ລີເວີພູລ ສະໂມສອນໃຫຍ່ແຫ່ງພຣີເມຍລີກ ອັງກິດ ໃນໄລຍະລະດູການນີ້.

ສຳລັບ ເອັມບັບເປ ອາຍຸ 23 ປີ ພວມຈະຫມົດສັນຍາກັບ PSG ຫມົດລະດູການນີ້ ສົ່ງຜົນໃຫ້ລາວພວມໄດ້ຮັບຄວາມສົນໃຈຈາກຫລາຍສະໂມສອນ ໂດຍມີ ເຣອັນ ມາດຣິດ ເປັນທີມທຳອິດທີ່ຈະໄດ້ໄປຮ່ວມທີມ ແນວໃດກໍຕາມ ລາຍງານຫລ້າສຸດລະບຸວ່າ ເອັມບັບເປ ຍັງຄົງເປີດກວ້າງກ່ຽວກັບອະນາຄົດຂອງຕົນເອງ ລວມເຖິງບໍ່ປິດໂອກາດທີ່ຈະຍ້າຍໄປຮ່ວມທີມ ລີເວີພູລ ເຊັ່ນດຽວກັນ ເນື່ອງຈາກເປັນທີມທີ່ດຶງດູດໃຈລາວເປັນຢ່າງຫລາຍ ທັງຮູບແບບການຫລິ້ນ ແລະ ການຫວັງແຊ໊ມລາຍການຕ່າງໆໃນອະນາຄົດ.