ພຽງສອງວັນທ້າຍອາທິດ ມີຜູ້ເສຍຊີວິດຈາກອຸປະຕິເຫດ 3 ຄົນ

          ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ທ່ຽງຄືນຂອງວັນທີ 24 ມີນາຜ່ານມານີ້, ໄດ້ເກີດເຫດລົດຈັກຊິ້ງຕຳກຳແພງຢ່າງແຮງ ຢູ່ເຂດບ້ານສະພານທອງເໜືອ, ເມືອງສີສັດຕະນາກ ນະຄອນຫລວງວຽງຈັນ, ສົ່ງຜົນໃຫ້ຜູ້ຂັບເສຍຊີວິດຄາທີ່; ແລະ ເວລາປະມານ 15:00 ໂມງຂອງວັນທີ 25 ມີນາຜ່ານມານີ້, ຢູ່ເຂດບ້ານອ່າງນ້ອຍ, ເມືອງສັງທອງ ນະຄອນຫລວງວຽງຈັນ, ໄດ້ມີລົດໃຫຍ່ຕຳເອົາລົດຈັກທີ່ຂີ່ມາໃນທິດທາງກົງກັນຂ້າມ ສົ່ງຜົນຜູ້ຂັບຂີ່ລົດຈັກເປັນຊາຍໄວກາງຄົນ ເສຍຊີວິດຄາທີ່ ແລະເວລາປະມານ 18:34 ໂມງຂອງວັນດຽວກັນ, ຢູ່ເຂດບ້ານຜາງແຫ້ງ, ເມືອງນາຊາຍທອງ ນະຄອນຫລວງວຽງຈັນ, ໄດ້ເກີດເຫດລົດໃຫຍ່ຕຳລົດຈັກຢ່າງແຮງ, ສົ່ງຜົນໃຫ້ຜູ້ຂັບຂີ່ລົດຈັກເສຍຊີວິດຄາທີ່ ນອກນີ້ ຍັງມີອຸປະຕິເຫດເກີດຂຶ້ນຢ່າງຫລວງຫລາຍ, ຊຶ່ງອຸປະຕິເຫດເຫລົ່ານັ້ນ ໄດ້ສົ່ງຜົນໃຫ້ພາຫະນະ ແລະ ຊັບສິນຂອງສ່ວນລວມ ແລະ ບຸກຄົນເສຍຫາຍເປັນຈຳນວນຫລວງຫລາຍ, ແລະ ເຮັດໃຫ້ມີຜູ້ໄດ້ຮັບບາດເຈັບອີກຈຳນວນຫນຶ່ງ ສາເຫດຕົ້ນຕໍກໍແມ່ນເກີດຈາກການຂັບຂີ່ປະໝາດ ແລະ ບໍ່ເຄົາລົບນັບຖືກລະບຽບຈະລາຈອນ, ແລ່ນລົດໄວເກີນຂອບເຂດດັ່ງນີ້ເປັນຕົ້ນ.