ຣັງນິກ ຮູ້ບັນຫາ ແມນຢູ ບໍ່ຊະນະຄູ່ແຂ່ງ, ສັ່ງທີມງານເລັ່ງແກ້ໄຂແລ້ວ

ຣາຟ ຣັງນິກ ຜູ້ຈັດການທີມຊ່ົວຄາວຂອງ ແມນເຊສເຕີ ຢູໄນເຕັດ ທີມອັນດັບ 5 ຂອງພຣີເມຍລີກ ອັງກິດ ໃຫ້ສຳພາດເຖິງແນວທາງແກ້ບັນຫາເລື່ອງຜົນງານຕົກຕຳ່ໃນໄລຍະຜ່ານມາ ກ່ອນເກມຕົກຄ້າງທີ່ເປີດບ້ານຕ້ອນຮັບ ໄບຣຕັນ ທີມອັນດັບ 9 ໃນຄືນວັນທີ 15.

ແມນເຊສເຕີ ຢູໄນເຕັດ ເປັນຝ່າຍນຳກ່ອນ 1-0 ຕະຫລອດ 2 ເກມຫລັງສຸດ ແຕ່ບໍ່ສາມາດເກັບໄຊຊະນະໄດ້ເລີຍ ທັງເອຟເອ ຄັບ ຮອບ 4 ທີ່ສະເຫມີ ມິດເດິນສະໂບ 1-1 ກ່ອນເສຍຕົກຮອບຈາກການຍິງລູກໂທດຕັດສນ ລວມເຖິງ ພຣີເມຍລີກທີ່ເຮັດ 3 ຄະແນນຫລຸດມືຈາກການບຸກໄປສະເຫມີ ເບີນລີ ແລະ ເປີດບ້ານສະເຫມີກັບ ເຊົາແທມຕັນ ດ້ວຍປະຕູດຽວກັນ.

ຫລ້າສຸດ ຣາຟ ຣັງນິກ ໄດ້ສ່ັງໃຫ້ ຊາຊາ ເລນເຊ ນັກຈິດວິທະຍາທີ່ເຄີຍເຮັດວຽກນຳກັນໃນທີມ ແອເບ ໄລຊິກ ທີມໃນບຸນເດສລີກາ ເຢຍລະມັນ ແລະ ດຶງຕົວມາຊ່ວຍໃນເດືອນທັນວາທີ່ຜ່ານມາ ຊ່ວຍແກ້ໄຂບັນຫາເລື່ອງສະພາບຈິດໃຈ ແລະ ຄວາມໝັ້ນໃຈແລ້ວ ໂດຍກ່າວວ່າ  ‘‘  ເມື່ອເຈົ້າຍິງປະຕູກ່ອນ 1-0 ແລ້ວ ຖືກຕີສະເຫມີເຖິງ 3 ເກມຕິດຕໍ່ກັນ ສິ່ງນີ້ຍ່ອມສົ່ງຜົນຕໍ່ສະພາບຈິດໃຈຂອງຜູ້ຫລິ້ນແນ່ນອນ ’’.

‘‘ ພວກເຮົາເປັນຄົນ ບໍ່ແມ່ນຫຸ່ນຈັກ ແລະ ເຄີຍເວົ້າວ່າເຮົາຈະນຳ 3-0 ຫລື 4-0 ແລ້ວປະຕູກໍເປັນ 1-1 ຂ້ອຍຈຶ່ງລົມກງັບ ຊາຊາ ກ່ຽວກັບເລື່ອງນີ້ແລ້ວ ສິ່ງດຽວທີ່ເຮົາສາມາດເຮັດໄດ້ຄື ການລົມກັບນັກເຕະເທື່ອລະຄົນ ແລະລົມກັບນັກເຕະທັງຫມົດ ເພື່ອຫາສາເຫດວ່າເປັນຫຍັງເຮົາຈຶ່ງເສຍປະຕູ ລວມເຖິງສິ່ງທີ່ເຮົາຄວນເຮັດຫລັງຈາກນັ້ນ ເພື່ອຍິງປະຕູທີ 2 ແລະ ທີ 3 ຕາມມາ  ’’.

‘‘  ສິ່ງທຳອິດຄືເຮົາຕ້ອງມີປະສິດທິພາບຫລາຍຂຶ້ນໃນການຍິງປະຕູທີ 2 ແລະ 3 ເພື່ອປິດເກມ ເຖິງວ່າສິ່ງນີ້ອາດຈະຍັງບໍ່ເກີດຂຶ້ນ ແຕ່ເຮົາກໍຕ້ອງເຮັດຕາມແຜນທີ່ວາງໄວ້ຢ່າງຫມັ້ນຄົງ ຮັກສາວິໄນຕາມຮູບແບບເກມ ແລະ ນີ້ຄືສິ່ງທີ່ເຮົາຕ້ອງເຮັດໃຫ້ສຳເລັດ ແລະ ກ້າວຕໍ່ໄປ ’’.