ຈັບສອງພໍລູກຂົນສົ່ງຢາບ້າ 1 ລ້ານເມັດຈາກບໍ່ແກ້ວມາສົ່ງຢູ່ນະຄອນຫລວງວຽງຈັນ
ເຈົ້າຫນ້າທີ່ຕຳຫລວດ ຈະລາຈອນ ປກສ ເມືອງນາຊາຍທອງ ນະຄອນຫລວງໃຫ້ຮູ້ວ່າ: ໃນວັນທີ 14 ກຸມພາ 2022 ເວລາ 18:00 ໂມງ ຈະລາຈອນຕັ້ງດ່ານກວດກາຢູ່ບ້ານນາສ້ຽວແລະ ໄດ້ສັ່ງລົດກະບະນິດສັນໃຫ້ຢຸດເພື່ອກວດກາ ແຕ່ຜູ້ຂັບຂີ່ບໍ່ຢຸດກຳລັງຈະລ້ຽວລົດກັບຄືນ, ໃນຂະ
ນະນັ້ນ ຈະລາຈອນຈິ່ງຂໍໃຫ້ລົດບັນທຸກຂວາງທາງເຮັດໃຫ້ລົດສົງໄສໄປບໍ່ໄດ້ ຜູ້ຂັບຂີ່ຈິ່ງໂຕນລົດ ເພື່ອຫລົບຫນີ, ແຕ່ຖືກຈະລາຈອນໄລ່ຄຸບຕົວໄດ້ທັນ.
ຜຸ້ຖືກຫາ ຊື່ທ້າວ ເຢຍລາ ລີ ອາຍຸ 46 ປີ ແລະ ທ້າວ ຕູ ລີ ອາຍຸ 23 ປີ ທັງສອງ (ພໍ່ບູກ ) ຢູ່ບ້ານຫາດງາມ ເມືອງຄອບ ແຂວງໄຊຍະບູລີ ພ້ອມຂອງຂອງກາງ ຈຳນວນ 500 ມັດ ເທົ່າກັບ 1 ລ້ານເມັດ.
ຜູ້ຖືກຫາສະລະພາບວ່າ: ຕົນໄດ້ໄປຈາກແຂວງໄຊຍະບູລີ ໄປບັນທຸກເອົາຢາບ້າຈຳນວນ 4 ເປົາຈາກເມືອງ ຕົ້ນເຜິ້ງແຂວງບໍ່ແກ້ວ ຫວັງມາສົ່ງໃຫ້ຜູ້ຮ່ວມຂະບວນການຢູ່ນະຄອນຫຼວງວຽງຈັນ ແຕ່ໄປບໍ່ລອດຖືກ ຈະລາຈອນ ເມືອງນາຊາຍທອງ ຈັບຕົວໄດ້ກ່ອນ.
ຢາບ້າ ຈໍາດັ່ງກ່າວ ແມ່ນໄດ້ຮ່ວມກັນລັກລອບຂົນສົ່ງໃຫ້ຄົນຮູ້ຈັກຢູ່ເມືອງຕົ້ນເຜິ້ງ ແຂວງບໍ່ແກ້ວ ໂດຍພວກກ່ຽວໄດ້ພຽງແຕ່ຄ່າຂົນສົ່ງເທົ່ານັ້ນ; ຜ່ານມາແມ່ນໄດ້ເຮັດຮ່ວມກັນລັກລອບຂົນສົ່ງມາແລ້ວ 3 ຄັ້ງ ຄັ້ງລະ 1.000.000 ເມັດ ໂດຍໄປເອົາຢາບ້າຢູ່ເມືອງຕົ້ນເຜີ້ງ ແລ້ວມຸ້ງໜ້າມາສົ່ງຢູ່ນະຄອນຫຼວງວຽງຈັນ ແຕ່ຄັ້ງນີ້ຖືກເຈົ້າໜ້າທີ່ຈັບຕົວໄດ້ກ່ອນ.
ຂໍ້ມູນຈາກ: ວາລະສານປ້ອງກັນຄວາມສະຫງົບ
